Ai dorkhas ka STIEH sha u CEM jong ka JHADC ban wanrah ia ka bill kum jong ka KHADC

Shillong, Naitung 07: ka STIEH ka la leit ban ia kynduh ia U CEM JHADC ha ka sngi nyngkong ha kaba ka la ioh ban ai  ia ka dorkhas  jong ka bad ruh ka la kyrpad   ia u CEM ka JHADC ba yn pynmih ia ka Bill ka ba ia syriem ha JHADC kum ka Bill jong ka KHADC kata ka Khasi Social Custom of Lineage 2nd Amendment Bill 2018.

Ha ka jingiakren jong u bad ka seng u la pynpaw ba u kyrshan ia kane ka Bill ka KHADC wat la ki don ki jingduna ki ba hap ban pynbeit.U la ban ruh ba ka donkam ban don kajuh ka Aiñ na ka bynta ki Shynrang ruh.U la iathuh ia ka seng ba ha ka 8^th Naitung kan don ka Executive Committee bad  kin sa ia tai halor kane ka phang.

Haba ka seng ka la ai jingmut ia u ba yn khot ia ka special session u la ong ba lada i donkam u lah ban leh ia kata ruh.U la ong ruh ia ka seng ba ka lah ban shim por hapoh 2 ne 3 bnai ban wan rah ia  ka Bill ka ba ia syriem bad jong ka KHADC  ha JHADC.

Ka seng ka la pan ruh ia ka jingkyrshan jong u halor ka jingthmu jong ka ba kan pynlong ia ka Public awareness meeting ha Jowai ha ka taiew ban wan bad ia kane ruh u la ong ba u kloi ban kyrshan. La ong ka kong Badariti L Nonglait ha ka kyrwoh kaba la phah mynta ka sngi.