Shillong, Nailar 11: Mynta ka sngi ka Institute of Bioresources and Sustainable Development (IBSD), Node Meghalaya, kala pdiang sngewbha ia ki nongrep na Mawshynrut ban hikai kumno ban thung syntiew lyngba ka Agricultural Technology Management Agency (ATMA).
Ha kane ka sngi ka IBSD kala hikai kumno ban thung syntiew da kab pyndon kam ia kane ka juk stad kaba mynta bad kumno ban sumar ia ki, ha kane ka jinghikai la batai kumno ban thung ia ki syntiew ki skut kiba bun jait.
Kane ka jinghikai ka long ban ai sha ki nongtrei ia ka jingtbit ban trei ia ka kam ryngkat ka jingkyrshan kumno kin pyndon kam ia kiei kiba don lypa ba ka bynta ban pynneh pynsah ia ki ha kaba pyndon kam.
Ka IBSD Node Meghalaya ka pynlong ia kum kine ki jinghikai ban pynrung ha ki ia ka rukom pyrkhat ban nang ha ka jingpyniaid iew ruh ia ki kaba ki nongrep ki hap ban lah ban leh da la de, kane ka jinghikai ka long ba ki nongrep kane ka jylla kin sngewthuh kumno banpyndon kam ia kaba la don lypa ha ka mariang.
