Shillong, Risaw 15: U bah Lambor Malngiang Chairman jong ka Meghalaya State Planning Board (MSPB) haba pynlait paidbah ia ka kot kaba la ai kyrteng “Meghalaya State Palnning Board u la ong ba kila ai jingmut sha ka sorkar ban shna ia ki surok ha khap sor ban pynlait na ka jingkhap ngiah kali.
La ong ba kane ka kot kaba la pynmih da ka MSPB, ka kren ia kiei kiei kiba kum ka board kala dep ban ai jingmut sha ka sorkar ha u snem 2018-2019, ki jingai jingmut kiba kongsan na ka Board nalor ki surok ka long ba ia ka Barik point dei ban pynkylla sha ka jaka ba jyrngam bad ban buh ia ka jaka ieng kali.
La ai jingmut ban khring ia ki briew kiba na shabar jong ka Ri India ban wan seng kam ha kane ka jylla, kum ha ka rep ka riang bad kum juh ha ki kam pynmih bording ilektrik bad kham tam ia ka bor ding kaba long lyngba ka lyer ia kaba la tip kum ki “Wind Mill”.
Haba ia dei bad ki jingkieng suin ban iaid kalai, la pynsngew ba namar kane ka jylla Meghalaya ka dei ka jaka kaba dei lynti iaid jong u jumai kam shitom shibun ban shna ia kine ki lynti na suin ia kiba la tip ha ka ktien nongwei “Fly Over”.
Haba ia dei bad ka Aqua Mission kaba la pynlut haduh T.340 klur ka MSPB kan dang bud dien ia kane ka kam namar katkum ka kaiphot ka long ba la shna haduh 25000 tylli ki nan ri dohkha bad kum juh la ai jingmut ha kaba ia dei bad ka rep ka riang.
Ha kane ka sngi ba pynlait ia ka kot jong ka MSPB la don lang u bah M R Synrem member secretary jong ka Board, ki Co-Chairman, Vice Chairman, ki Deputy Chairman, ki ophisar jong ka board. Ia ka jingkren pdiang sngewbha la kren da u K M Sangma bad ia ka jingkren ai khublei la kren da ka kong D Syiem.
