New Delhi, Iaong 07: U Myntri kam poh iing ka sorkar pdeng u ba dei peit ruh ia ka tnad Cooperation u la pyniaid ia ka jingialang jong ka “ Parliamentary Official Language Committee” kaba long ha nongbah Delhi, ha kane ka jingialang la don lang myntri khynnah u kampoh iing u Ajay Kumar Mishra bad u Nishith Pramanik, Vice-Chairman jong ka Official Language Parliamentary Committee u Bhritahari Mahtab bad kiwei ki dkhot ka committee kila ia don lang.
Ha kane ka jingialang da kawei ka jingmut la pdiang ia ka kaiphot jong ka bui kaba 11 kaba yn sap hah sha u President ka Ri India. U Myntri kam poh iing u Amit Shah la ong ba ka jingtrei kam jong kane ka “Official Language Committee” ka trei kam kala trei bha bad kane ka committee kaba mynta kala phah haduh lai tylli ki kaiphot sha u President kane ka dei ka jingjop jong baroh.
U myntri kam poh iing ka sorkar pdeng mynta ka sngi u la ban jur halor ki lai tylli kip hang, ka kommittee ka dei ban pynlong ia ka jingialang ha u bnai Naitung ban pyntrei kam ia kane ka jingai jingmut kiba la ai ha kine ka bui na ka thup kaba nyngkong haduh kaba khatwei jong ka kaiphot.
U Myntri kampoh iing la ong ba u Secretary jong ka “Official Language Committee” u dei ban pyntip sha ki dkhot ha kaba ia dei bad kane ka jingthmu ban pyntrei kam ia kane ka jingai jingmut jong kawei pa kawei ka bui kaba la ai ha ka jingialang.
Ka phang kaba ar kaba u myntri kam poh iing ka sorkar pdeng u la ong ba dei ban ia ka jinghikai ia ka ktien Hindi haduh klass IX bad ban pynleit jingmut ha kaba ai jinghikai bad ban pynlong ia ka eksamin ha ka ktien Hindi. Ka phang kaba lai ka long ban pynmih biang ia ka Dikshonary ha ka ktien da kaba bishar bniah biang ia ka.
Ha kane ka jingialang u myntri kam poh iing ka sorkar pdeng u ba ha dien ba la dep ban ia kren bad baroh ki secretary dei ban thaw noh ia ka kommittee ban peit ia ka jingpyntrei kam ia ka jingmai jingmut naduh ka thup kaba nyngkong haduh kaba khatwei jong ka “Official Language Committee”.
U shongknor jong kane ka “Official Language Committee” u Amit Shah la ong ba u Myntri Rangbah duh jong ka Ri India u Narendra Modi la ong ban pyndon kam ia ka ktien Hindi kum ka ktien sorkar bad kane kan iarap ban kyntiew ha kaba pyndon kam ia ka ktien Hindi.
U Myntri kam poh iing la ong ba mynta kala dei ban por ba ia ka ktien sorkar ba kan long ka bynta kaba kongsan ban pyniatylli ia ka Ri, la ong ba ki nongshong shnong jong ki jylla kiba kren ia kiwei pat ki jait ktien dei ban long da ka ktien jong ka Ri India bad dei ban pdiang ia ka ktien Hindi ha ka jaka jong ka ktien phareng um ia ka ktien jong kano kano ka jaka, la ong ba lada ym lah ban kham pynkylluid ban pdiang sha ka ktien Hinid na kiwei ki yn nym lah ban kyntiew.
U Myntri kampoh iing ka sorkar pdeng u la ong ba mynta 70 persent jong kane ka jingthmu jong ka kabinet la pynkhreh ha ka ktien Hindi, la ong ba 22,000 ki nonghikai Hindia la thung ha ki phra tylli ki jylla jong ka dong shatei lam mih ngi jong ka Ri India, la ong ba ki don khyndai tylli ki kynhun riewlum na ka thian shatei lam mih ngi jong ka Ri India kila pynkylla ia ka jingthoh jong ki sha ka thoh Devanagari, ki phra tylli ki jylla ka North East ka Ri India kila ai ka jingmynjur ban pynlong ia ka ktien Hindi ba dei ban pule ha ki skul haduh klass X.
