Shillong, Jylliew 30: Ka tnad pule ba ia ei bad ka kam ain, jong ka skula bah North Eastern Hills University kala pynlong ia ka jingai jingpynshai ha kaba ia dei bad ki ai thymmai bad ia dei bad ki kam sniew ha ka sngi saitjain ha iing dorbar Mawkynroh.
Ha kane ka jingai jingpynshai kila don haduh 30 ngut ki nongkit kam shnong kiba la wan ban ia shim bynta ban sngap ha kaba ia dei bad ki lai tylli ki ain thymmai kiba ia dei bad ki kam rumar, kumno ban teh la kam ia ki kam sniew.
Ha kane ka jingialang u Dr. A.K.Singh; Dr. R Sil bad Dr. Shishir Tiwari, na ka tnad pule ain kila batai sha ki nongkit kam shnong kiba la wan ban ia shim bynta ia ki kyndon trei kam jong kane kine ki ain thymmai.
Bah Daiaman Langstang la pynkylla ia ka jingkren na ka ktien phareng sha ka ktien khasi, u Dr. Shyamal Mandal bad katto katne ngut ki samla pule na ka skul bah kila ia shim bynta lang ha katei ka jingpynshai paidbah.
Ia kane ka jingialang la pyniaid da u bah Longshai Nongkhlaw, rangbah shnong ka Mawkynroh Umshing, u bah Lassing Diengdoh, General Secretary ka shnong Mawkynroh Umshing u la don lang ha kane ka sngi.
