Shillong, Naitung 12: Ka Jaintia Coordination Committee for Reservation Policy (JCCRP) mynta ka sngi kala leit ban ai ia ka jingthoh sha ka Expert Committee kaba ia ei bad ka jingbhah kam ha kane ka jylla, ha kane kane ka kynhun na Jainti Hills kala ong ban mang beit 80% ia ki bah kam ia ki Khasi-Jaintia bad Garo.
Ka JCCRP kiba kynthup iaki saw seng JSU,JNC,JSM bad ka JYF na Jaintia Hills ryngkat bad ka Synjuk Waheh Shnong Ri Jantia ba ialam da u President jong ka u ma A.Lipon ki lah leit iaka dorkhat sha ka Expert Committee ha u secretary jong ka u L.K Diengdoh MCS ha kamram trei kam jong u ha Secretariat Shillong .
Kane ka kynhun ka lah pynsngew ba ki lah ia shong sani bha bad ki riew rangbah na ri Jaintia ki riew shemphang haka ban iatai ia sani halor ka jingai jingmut sha ka sorkar lane sha ka Expert Committee.
Na ka liang ka kynhun ki lah pynpaw ba hadien ka jingiashong ba lah bun sien bad ka jingialang paitbah ba lah dep pynlong lah mih tang kawei ka sur kata ban dawa daka 80% ia baroh ki Khasi ,Jaintia bad Garo ban iakhun hajuh.
Bad ka kynhun kam kwah ban pharia iaka jaitbynriew hapdeng ki lai tylli bad dei kum ban iakhun hapoh 80 % khlem da phiah shuh 40/ 40 %. Ia kane ka jingthoh la leit ban ai mynta ka sngi sha ka Expert Committee.
