Shillong, Risaw 09: U bah Manstudy Nongrem Chairman jong ka ‘Consultative Committee’ lem bad ka kynhun mynta ka sngi kila leit ban ai ia ka kaiphot halor ka Khasi Social Customs Lineage Bills 2018 sha u U Chief executive Member jong ka KHADC u Bah HS Shylla.
Haba kren ha ki lad pathai khubor, u bah Shylla u la ong ba ka Executive Committee ka dang ioh pdiang ia ka kaiphot mynta ka sngi bad ia kane yn rah sha ka EC ban shong bishar bniah shuwa ban rah biang ia ka sha iing dorbar thawain ban pdiang ia ka.
Haba jubab ia ki jingkylli u bah Shylla u la ong ba ka thong jong ka EC ka long ban khanglad ia ka jingshongkhai khleh, hynrei ia ka jingiashong kha kam shym khang, lada ki dang ia shong kha kita kiba ioh kin duh noh ia ka jingmyntoi kaba ki dei ban ioh kum ki khasi.
U bah Shylla u la ong ban pynkhlain ia kane ka KSCL Bills, ka EC kan wan rah ia ka bill hapoh iing dorbar ia kaba yn tip kum ka “Clan Bills” bad kane ka long ba iathunoh ia ki kur bad ka kur kan theh la kam iala ka jong ka kur ha kaba ia dei bad jingkhang ia ka jingiashong kha khleh.
U bah Manstudy Nongrem haba kren ha ki lad pathai khubor u la ong ba ka Consultative Committee kala pyndep ia ka kam jong ka bad mynta ka sngi la ai ia ka kaiphot sha u CEM jong ka KHADC, u la ong bay n nym lah ban batai ia kaei kaba ki ai sha u CEM, hynrei ynda la wanrah hapoh ka iing dorbar ia ka Bill yn sa ia tip paidbah.
