Jowai, Naitung12: Ka AJYWO Central Body lyngba u Vice-President jong ka u Bah Reachingson Siangshai, ka ai khublei Behdeiñkhlam basuk bakmen ia baroh ki khun kihajar jong ka Ri Jaiñtia.
Kumkasengkaduwaikyrpadruh ha U Blei Trai Kynrad Nongbuh Nongthaw ba lyngba kane ka Behdeiñkhlam ba mynta un kyrkhu kyrdoh ia baroh ki khun jong ka Ri Jaintia ba kin ioh ia kamet kaphad kaba koit bakhiah, ka shongsuk shongsain bad ruh ba kin nangroi kyrhai ha baroh ki liang naduh ka kamai kakajih, ka ioh kakot, ka jingnang jingstad bad ha baroh ki kam ki jam jong ki bad ruh ban wan rah iaka jingiatylli hapdeng ka Jaitbynriew jong khnang ba ka Ri bad ka Jaidbynriew kan nangroi parum pareh ha ki sngi ki por ki ban dang wan.
Ka AJYWO ka la ong ruh “To ngin rakhe ia kane ka Behdeiñkhlam da ka jingsngewrit, da ka jingtipbriew tipblei bad ruh ha ryngkat ka jingsngewnguh ia U Tre-Ki-Rot Nongbuh Nongpynlong ia kiei kiei baroh namar ki jingkyrkhu jong U ia barohlang ha ka jingim jong kaba man la ka sngi. “Ka Behdeiñkhlam Wa Suk Wa Kmen ia waroh ki khon ka Ri Jaiñtia”.
