Shillong, Nailur 27: Ha dien ka jingiakynduh bad u CEM ka KHADC na ka liang u chairman ka Synjuk KI Sengsamla Shnong u bah Wanshan Buhphang u la pynpaw ka jingsngewnguh ia u CEM u bah Pyniaid Singh Syiem bad kum juh ruh ia U bah Pynshngain N Syiem u ba long u Deputy CEM ka KHADC ba ki la wan rah ia ka bill ka ban ai jing I thuhia ki Seng Samla Shnong ka khasi Hills Autonomous District (Administration of Elaka Second amendment Bill ) 2023.
Na ka liang ka sengSamla Shnong ki la noh synniang Shibu bah sha ki dorbar shnong ha ka ban wanrah ia ka shong suk shong sain ha ki shnong ki thaw, bad kum juhruh ban pyniaid beit ia ki kam ha ki shnong.
U bah Wanshan Buhphang u la pynkynmaw ruh ba ki la juh ioh ban ia krenteng bad ka District council ha ka por ba ka wan rah ia ka Village Administration Bill ban ai ka jingithuhlem ia ki hapo hkane ka bill, hynrei kine baroh kim shym la urlong , kumta u la ai ka jingiaroh ia kane ka EC ka ba mynta ha poh ka jingialam jung u Bah Pyniaid Kum u CEM ka lah ban ithuhia ki bad kum juhia ki seng long kmie ha poh ki dorbar shnong .
Da ka jing wan rah ia kane ka Bill na ka liang u bah Wanshan u la pynpaw ba kan iarap ia ki dorbar shnong ba kin treikam kham bha bad kum juh ruh ia ki seng samla bad ki seng long kmie ba kin ioh ka lad ba kin iarap ia ka dorbar shnong ha ka ban peit ia ka shongsuk shong sain jong ki shnong.
Na kaling u Deputy CEM U bah Pynshngain N Syiem u la ongba ka jing wan jong ki kalong ban ai khubleiia ka EC ba mynta ba ka la wan rah ia ka Administration of Elaka Amendment Bill ka la kynthup lang ia ki Seng samla shnong ha pohjongkane ka bill.
U bah Pynshngain N Syiem u la paw ruh ba kala don ka jingai jingmut na duh ki por ba mynshwa ha ka ba ia dei bad ka jingkynthup lang ia ki seng samla shnong hapoh ka Village Administration Bill hynrei kane kam shym la urlong.
Kumta ha kane ka kynti ba mynta u la ioh ban kynthup lang ia ki ha poh jong ka Administration of Elaka Amendment Bill 2023 ka ba ai jing ithuh ia kine ki seng samla bad kum juh ruh ai ki seng long kmie hapoh ki dorbar shnong.
U bha P N Syiem u kyrmen skhem ba kane ka bill kan ioh ka jing ithuhkham kloi na u Governor khnang ba kine ki seng samla shnong kin ioh ban treikam kat kumba la pruid dak ha poh jong kane ka bill.
