Shillong, Risaw 01: U Bah Reniktone L Tongkhar u ai ka jingkhublei kaba kyrpang ia ki paidbah jong ka Mawkyrwat konstitwensi kiba la jied ia u kum u MLA jong ki bad mynta ban long myntri ha ka sorkar.
Haba kren ha ki Lat pathai khubor u la ong ba u ai ka jingkhublei ia baroh ki nongkyrshan jong u kiba la pynjop ia u kum u MLA bad u ong ba kum u myntri sorkar un ia leh katba lah ban ai ka jingshakri ia ki paidbah ka Mawkyrwat bad ia ka jylla baroh kawei.
U bah Reniktone u la ong ba un trei ka kam kat ha la ka bor kaba u lah ban leh bad shaniah ia u Blei ba un ai ia u ka jingshemphang kum u myntri ban trei na ka bynta ka jylla baroh kawei.
Haba jubab ia ki jingkylli, u la ong ba kum u MLA bad kum u myntri ka por kaba lyngkot hynrei ka don ka por ia kiei kiei baroh bad ha kine kip or ba dang sah un ia leh ban pyndep ia ki kam da ka jingiatreilang bad u myntri rangbah ka jylla.
Haba ia dei bad ki kam kiba yn sa bat la ong ba kan bha lada u ioh ia kiba u bah Samlin Malngniang u bat lada ka long hynrei ka shong ha u myntri rangbah ka jylla kumno ban bynshed ia ka kam la ong.
