New Delhi, Risaw 07: U Myntri Sorkar Pdeng ba dei khmih ia ka tnat kam ialehkaiu la ai khublei ia ki nongialehkai haba ki la kot sha ka jingioh 100 tylli ki takma ha ka 19th Asian Games kaba dang long mynta ha China.
“Nga ai khubleiia baroh ki nongialehkai na ka liang jong 140 klur ngut ki briew ka India. Ki dei kiba ai mynsiemia ki nongialehkai ha ki por ban wan,” u la ong. U la ong ruh ha ka jingiaid lynti 72 snem ka Asian Games ki nongialehkai jong ngi ha kane ka kynti ki la kot sha ki recod ba bun bad ki la buh ruh ia ki Asian record ba thymmai.
Ha ka athletics 29 tylli ki takma, ha ka shooting 22 tylli ki takma, kane ruh ka dei ka recod. “Ka jingthmu jong u Myntri Rangbah Duh, u Narendra Modi, ki lad ba u la plie bad ka jingtrei shitom bad jingkut jingmut jong ki nongialehkai jong ngi ki la pynthikna ba ka India ka la jop 100 tylli ki takma. Nga ai khublei ia baroh ki nongialehkai kiba la thaw ia ka histori ha kane ka Asian Games,” la ong u Anurag Singh Thakur.
U la ong ruh ba ka kynhun ialehkai hockey ka la leh bha ha ka Asian games bad kane kan iarap bha ha ki lympungialehkai ki ban wan. U la ong ba u Myntri Rangbah Duh u la ong “KhelogetohKhiloge” bad da kaba wanrah ka jingkylla ha ka rukom pyrkhat bad ka jingpynbiang ia ki lad, ngin ioh ia ka jingjop bad kane ka dang jia mynta.
