New Delhi, Lber 22: Ka President jong ka ri India, ka Droupadi Murmu ka la ai ia ka khusnam Padma Shri ia u Risingbor Kurkalangna Meghalaya ha ka thup saindur ha ka Civil Investiture Ceremony kaba la long hangne mynta ka sngi.
Katto katne shaphang ka jingim jong uba ioh ia kane ka khusnam ka long kumneharum, U Risingbor Kurkalangu la ioh ia ka khusnam Padma Shriha ka thup saindur.
U Risingbor Kurkalangu dei u nongsaindur ba pawnam uba shna ia ki tiar put tiar tem tynrai bad u dei ruh u nongtem nongput u batbit. La khaia u ha ka 19 tarik u Naiwieng, 1970 ha ka longiing ki nongrep ha Laitkyrhong kaba hap hapoh ka distrik East Khasi Hills jong ka jylla Meghalaya.
U Risingbor u dei u ba sngewtynnad ia ka put ka tem bad u la ioh mynsiem na u paieid jong u. U la sdang ban shna ia ki tiar put tiar tem tynrai bapher bapher bad u la pyntbit ialade ban tem ia kine. U la sdang ban shna ia ki tiar put tiar tem ban pyniaid iew ha u snem 2001 bad u dei ubanyngkong na ka shnong jong u ban shna ia kine ki tiar.
Kawei ka kynhun nongtem tynrai ka la iawer iau Risingborha u snem 1990 ha ka shnong jong u ban leit sha All India Radio bad Doordarshan Kendra ban record ia ki jingrwai hapoh ki prokram jong kine ki rynsan kiba long kyrpang na ka bynta ki surjingrwai tynrai.
Kane ka la iarap bha ia u Risingbor ha ka kam jong u kum u nongputnongtem bad u nongshna tiar tem. U la leit sha ki jaka bapher bapher jong ka jylla bad ka ri ban pyni ia la ka sap kum u nongputnongtem bad u nongshna tiar tem bad ruh kum u nongpynneh ia ka surjingrwai tynrai bad ki rukom shad tynrai jong ki Khasi. Ki tiar tem jong u Risingbor ki dei kiba shna da ka kti bad lyngba ka jingshemphang halor ka jingbha bad ka rukom saindur.
U Risingbor u la iashim bynta ha ki prokram bad ki workshop bapher bapher kiba kynthup ia ka workshop halor ki surjingrwai tynrai, ka jingshna ia ki tiar tem tynrai ba la pynlong da ka Sorkar Meghalaya.
U la iashim bynta ha ka VadyaDarshanba la pynlong da kaSangeetNatakAkademi, New Delhi ha u snem 2002 bad u la iashim bynta ruh ha ka bynta kaba ar jong ka Thoh Shun International Art Camp 2006 kaba la long haCherrapunjee (Sohra), East Khasi Hills District, Meghalaya.
U la ai ia ki surjingrwaiha ka International Festival on Inter- Cultural Dialogue hapdeng ka thain phangshatei jong ka ri bad South East Asia (2010). U la thoh bad ai ia ka jingrwai kaba u la khot ka ‘Mei Mariang’ na ka thupjingrwai‘Sai-thainki Sur’ da ka Khasi-Cymrukaba la pyllait paidbah ha u 2021 ha Naxos World.
La khot sngewbha ia u da u Gareth Bonellouba dei u nongputnongtem na Wales, United Kingdom ban put ban tem lang bad u ha ka Rajasthan International Folk Festival (RIFF) ha Jodhpur (2022).
U Risingbor u la ioh ia ka Certificate of appreciation na ka bynta ka jingiashim bynta jong u ha ka workshop halor ka jingshna ia ki tiar tem tynrai kaba la pynlong da ka Sorkar Meghalaya (2008).
U la ioh ruh ia ka khusnamMartand Singh Memorial Award 2021 jong ka INTACH, ka song tyngka ha ka thup Handicraft Category kaba T.1 lak (Tyngka Shi lak) na ka Indian National Trust for Art and Cultural Heritage (INTACH), New Delhi.
