Shillong, Nohprah 02: U General Secretary ka seng HANM u bah Kyllang Thongni mynta ka sngi u ong ba ka seng ka ain por 10 sngi ia ka Regional Committee jong ka sorkar Meghalaya ba kan pynsangeh ia ka jingshna ia ka surok hapoh ka shnong Balakhawa da ka da ka sorkar Assam.
Haba kren ha ki lat pathai khubor u General Secretary ka seng u bah Thongni, la ong ba lada ka sorkar kam lah ban pynsangeh ia kane ka jingwan shna surok ka sorkar Assam sha Meghalaya ka seng kam ban ban se ban shim ia ki lat ki lynti ban khangia kane ka jingshna surok ka Assam.
La iathuh ba ha kane ka jngialang jong ka Executive Committee kila ia kren bha ia kane ka phang bad ha dien ka jigniamir jingmut kaba bniah kila shim ia kata ka rai bala da ka sorkar kam lah ban leh ei ei ka seng kan sa leh ia kaba don kam.
La iathuh ba ha kane ka jingialang ka seng kala pynmih sa ar tylli ki kommittee, kawei ka committee ba dei peit ia ka jingwanrung kyrthep ki mynder ri bad kawei pat ka committee ban peit ia ka jingiaid beit ka jingtrei kam ka seng bad ia ka EC la rai ban kin don 25 ngut ki dkhot.
Halor ki ar tylli ki shithi kiba ka seng kala ioh pdiang na ka sorkar pdeng lyngba ka tnad kam poh iing la ong ba, ka seng kan dang iaid bud dien ia kane ka bynta bad ka sorkar pdeng bad kin ia kren ruh bad ka sorkar jylla ban dang pynbha shuh shuh ha kaba ia dei bad ka jingspel dak ha ka ktien khasi.
