Shillong, Lber 05: Mynta ka jan miet u president jong ka seng People Democratic Front u bah Banteidor Lyngdoh MLA bad u bah Gavin M Mylliem MLA ki aiti ia ka shithi sha u nongialam ka party NPP u Conrad K Sangma ban ai ka jingkyrshan ia ka NPP ban thaw ia ka sorkar kaba thymmai.
Ha ka shithi kaba la phah sha u National President jong ka NPP u President ka party PDF u la thoh ba na ka liang jong ka party ka phah ia kane ka shihti ban ai jingkyrshan ban thaw ia ka sorkar kaba thymmai ha Meghalaya.
Ha ka shithi ka PDF kala thoh shai kdar ba kane ka jingai jingkyrshan kan long ban pynioh ia ka sorkar kaba skhem bad ban trei na ka bynta ka roi ka par jong ka jylla ha baroh ki liang, ia ka shithi la soi da u Working President bah Banteidor Lyngdoh MLA bad u bah Gavin M Mylliem MLA President ka party.
