Shillong, Naiwieng 17: Mynta ka sngi u National President ka party National Peoples, Party u Conrad K Sangma u la phah ia ka shithi sha u National President ka party BJP u Jagat Prakash Nanda ba ka party kala wengnoh na ka sorkar BJP ha ka jylla Manipur kaba la ialam da u Biren Singh.
Ha ka shithi kabala phah la pynpaw ia ka jingsngewsih kaba khraw ban ioh ba ka jinglong jingman ha ka jylla Manipur ha ka shong suk shongsain kaba ka sorkar bala ialam daka BJP kam shym la lah ban tem.
Ha kine ki khyndait sngi la ioh ba ka jingklumar hapoh ka jylla Manipur kala klang biang bad ki riew paidbah kiba lui lui kila duh ei ka la jingim bad ki paidbah ka jylla kila ia kynduh shisha ia ki jingeh kiba khraw.
Ka NPP ka iohi ba ka sorkar ha Manipur hapoh ka jingialam jong u Biren Singh kam shym la lah ban tem ia ki jingiaklumar bad ban wanrah biang ia ka shongsuk shongsain ha katei ka jylla.
Halor kine ki jingjia kiba la jia ha kine ki sngi na NPP kala shim ia ka rai ban weng noh ia ka jingkyrshan ia ka sorkar bala ialam da u Biren Singh ha Manipur naduh kane ka khylimat ba la phah ia kane ka shithi.
Ka NPP ka don 7 ngut ki MLA ha ka iing dorbar kaba 60 ngut, ki MLA jong ka NPP ki long, u Sheikh Noorul Hassan na ka 4-Kshetrigao, u Khuraijam Loken Singh na ka 22-Wangoi, Irengbam Nalini Devi na ka 25-Oinam, Thongam Shanti Singh na ka 27-Moirang, Mayanglambam Rameshwar Singh na ka 37-Kakching , N Kayisii na ka 49-Tadubi (ST) bad Janghemlung Panmei of 53-Tamenglong (ST) Konstitwensi.
