Shillong, Jymmang 10: Ka Deputy Commissioner ka East Khasi Hills kala ong ba la ioh ia ka jingujor na ki ‘Incident Commanders’ ba ki dukan ha Mawbah, Jhalupara, Nongmensong bad Polo kim shym but ryntih ia ki kyndon bala buh da ka tnad ka koit ka khiah.
La bthah ba ki briew ki dei ban mih tang ban leit thied marbam, hynrei la shem ba bun ki briew kila mih khlem paidbah bad ialum briew bad ki dangdon ki briew ba khlem denge mask haba ki mih shabar bad kane kala pynkhein ia ki kyndon bala bthah da ka tnad ka koit ka khiah.
Kane ka jingleh bymsuid niew jong ki briew ban nym burom ia ki jingbthah ka tnad ka koit ka khiah da kaba ki mih ban leit na kawei ka jaka sha kawei pat ka jaka ka buh is ka jingma na ka daw jong ka jingsaphriang sted kane ka khlam COVID-19.
Katkum ka bor bala pynkup ha ka DC katkum ka ain Meghalaya Epidemic Diseases, COVID-19 Regulations, 2020, ban iada na ka jingsaphriang kane ka khlam COVID-19, kumta ia ki dukan ha Mawbah, Jhalupara, Nongmynsong bad Polo la phah khang ha kine ki ar sngi kata ha ka 11th & 12th Jymmang, 2021.
La bthah ba u Superintendent ki Police, Incident Commmanders bad Executive Magistrates ki dei ban pyntrei kam ia kane ka hukum bad ba min pynbeit kumno ban leh na ka bynta ban plie biang ia ki dukan, la bthah ka DC ka East Khasi Hills District, kong Isawanda Laloo.
