New Delhi, Naiwieng 19: U Myntri Rangbah Duh, Narendra Modiu la pliepaidbah ia ka kad liengsuinDonyi Polo Airport, Itanagarbad u la aiti sha ka ri ia ka 600 MW Kameng Hydro Power Station mynta ka sngi.
La buh ia u maw nongrim ia kane ka kad leingsuin da u Myntri Rangbah Duh ha u Rymphang 2019. La pyndep ia ka kam na ka bynta ka kad liengsuin ha ka por kaba duna, watla ki la don ki jingeh namar ka khlam ha ka por ba dang pyntreikam.
Ha ka jingai jingkren jong u, u Myntri Rangbah Duh u la ong ba u kynmaw ia ki jingleit jong u sha Arunachal Pradesh bad haba u iohi ia ka jingheh ka prokram mynta ka sngi u la ai jingiaroh ia ki briew ka Arunachal Pradesh kiba la ieng skhem na ka bynta ka roi ka par jong ka jylla jong ki.
U la kren shaphang ka jingkylla ha ka rukom treikam ha kaba u la sdang ia ka rukom trei ha kaba u buh ia u maw nongrim bad u pliepaidbah hi ruh ia ka projek. U la ong ruh ba ka jingplie paidbahia kane ka kad liengsuin ka dei ka jubab kaba biang bha ia kito kiba la kynnoh ba kane ka jingbuh maw nongrim ka dei ka buit elekshon.
U Myntri Rangbah Duh u la kyntu ia kito kiba aijingmut ha ki kam sain pyrthei ba kin sdang pyrkhat da kumwei bad ba kin sangeh ban peit ia ka roi ka par ha ka jylla tang lyngba ki jingngeit jong ki kiba iadei bad ki kam sain pyrthei. U la pynskhem shuh shuhia kane da kaba ong ba kane kam dei ka jylla ha kaba yn long elekshon.
Ka kam kaba kongsan ia ka Sorkar ka dei ka roi ka par jong ka jylla. “Mynta nga sdang ia ka sngi ha ka jylla kaba iohinyngkong ia ka sngi bad haba ka sngi ka sep ha India ha Daman bad kine ki thain, ngan don ha Kashi,” u la ong.
U Myntri Rangbah Duh u la ong ba hadien ba la ioh jinglaitluid ka ri, ka thain shateilammihngi ka la mad ia ka jingshah iehbein. U Myntri Rangbah Duh u la ong ba ka dei ka Sorkar u AtalBihari Vajpayee kaba la phaikhmat sha kane ka thain bad kaba la sdang ia ka tnat Sorkar kaba kyrpang na ka bynta ka thain.
Hadien, la suki ki kam hynreihadien u snem 2015, la sdang ka juk kaba thymmai jong ka roi ka par. “Mynshuwa ka don ka jingsngew ba ki shnong ha ki jaka kyndongkynshrot ki dei ki shnong ba khatduh jong ka ri. “Ka Sorkar ka la trei da kaba khein ba kine ki shnong ki dei kiba nyngkong jong ka ri.
Kane ka la ialam lynti sha ka jingshim ia ka roi ka par jong ka ri kum ka kam kaba kongsan jong ka Sorkar,” “Lada ka dei ha ki kam jngohkai ne kam khaii ne ki kam kiba iadei bad ki jain, ka thain shateilammihngi ka dei kaba ngi peit nyngkong,” la ong u Myntri Rangbah Duh da kaba bynrap, “La ka dei ha ki teknoloji drone neKrishi UDAAN, ka jingpyniasoh lyngba ki kad liengsuin na ka jingpyniasoh ki kad lieng, ka Sorkar ka la buh ia ka thong na ka bynta ka roi ka par jong ka thain.”
U Myntri Rangbah Duh u la ai nuksa da ka jingkieng kaba jrong tam ha India, ka jingkiengrel kaba jrong tam, ka jingpyniasoh ki lynti rel bad ka jingbun ka jingshna ia ki surok bah ban pyni ia ki kam ka roi ka par ha ka thain. “Kane ka dei ka juk thymmai jong ki jingkyrmen bad kane ka prokram mynta ka sngi ka dei ka nuksa kaba biang bha jong ka rukom treikam ba thymmai jong ka India,” la ong u Myntri Rangbah Duh.
U Myntri Rangbah Duh u la ong ba ka kad liengsuinDonyi Polo kan dei ka kad liengsuin kaba saw na ka bynta ka Arunachal Pradesh, bad lyngba kane, ka jingdon ki kad liengsuin ha ka thain shateilammihngi ka la kiew sha ka 16 tylli. Na u snem 1947 haduh 2014, la shna tang 9 tylli ki kad liengsuin ha ka thain shateilammihngi.
Ha tang kine ki phra snem ba la dep, la dep shna 7 tylli ki kad liengsuin ha ka thain. Kane ka jingkiew stet ha ki kad liengsuin ha ka thain ka pyni ia ka jingpeit kyrpang u Myntri Rangbah Duh ban kyntiew ia ki lad ka leitka wan ha ka thain shateilammihngi. U la ong ba ka jingpynherliengsuin sha ka thain shateilammihngi ka la kiewarshah.
“Ka kad liengsuinDonyi Polo ka dei kaba iohi ia ka histori bad ka deiriti jong ka Arunachal Pradesh” la ong u Modi. U la batai shaphang ka jingai kyrteng ia kane ka kad liengsuin da kaba ong ba ‘Donyi’ ka mut ka Sngi bad ‘Polo’ ka mut u Bnai.
Da kaba pyniahapia ka Sngi bad u Bnai bad ka roi ka par ha ka jylla, u Myntri Rangbah Duh u la ong ba ka jingkyntiew ia kane ka kad liengsuin ka long kaba donkam kum ka jingkyntiew ia ki badukbasuk.
U la kren shaphang ka jingkyntiew ia ki jingdon jingem ha Arunachal Pradesh ha kaba u la ai nuksa da ka jingshna ia ki surok bah ha ki jaka ba kyndong jong ka jylla bad u la iathuh ruh ba ka Sorkar Pdeng kan dangpynlut sa T. 50,000 klur ha ki por ban wan. U la kren shaphang ka jingitynnad ka Arunachal Pradesh da kaba ong ruh ba ki don shibun ki lad ha ka kam jngohkai.
U la ong ba ka long kaba donkam ban don ki lad ka leit ka wan sha ki jaka ba kyndong jong ka jylla bad u la iathuh ba 85 % ki shnong ka Arunachal Pradesh ki la iasoh lyngba ka PradhanMantri Gram SadakYojna.
Lyngba kane ka jingkyntiew ia ki jingdon jingem kane ka kad liengsuin, kin don shibun ki lad ha ki kam pynkit mar. Kumta, ki nongrep jong ka jylla kin lah ban die ia ki mar jong ki sha ki iew ba kham heh. U la ong ruh ba ki nongrep ha ka jylla ki ioh ia ki jingmyntoi na ka PM KisanNidhi.
U Myntri Rangbah Duh u la kren shaphang ka ain naduh ka por ki nong Bilat kaba khang lad ia ki briew ka Arunachal Pradesh ba kin rep ia ki siej bad u la iathuh ia ki shaphang ki sienjam jong kane ka Sorkar ban weng ia kane ka ain.
U la ong ba ki siej ki dei shi bynta ka rukom im jong ki briew ka jylla bad ba ka jingthungsiej ka iarap ia ki briew na ka thain ba kin shalan ia ki mar ba shna da ki siej sha kylleng ka India bad shabar ri. “Mynta phi lah ban thung, rep bad die siej kumba long kiwei kiwei ki mar rep,” u la ong.
“Ka jingphaikhmat jong ka Sorkar ka dei ba ki badukbasuk ki im ka jingim kaba iaidbeitiaidryntih,” la ong u Myntri Rangbah Duh. U la ong ruh ba u sngewshih shaphang ki kam jong ki Sorkar ba la dep ban pynbiang ia ki lad pule puthi bad ka koit ka khiah ha ki thain rilum da kaba bynrap ba kane ka Sorkar mynta ka pynbiang insurance kaba haduh T. 5 lak hapoh ka Ayushman Bharat Scheme.
U Myntri Rangbah Duh u la ai ia ki nuksa jong ka PradhanMantriAwasYojna, ki skul Model Eklavyabad ka Arunachal Startup policy. U la kren shaphang ka SowbhagyaYojna, kaba pyniohbordingelektrikia baroh kaba la sdang ha u snem 2014, ha kaba u la ong ba ki bun ki shnong ka Arunachal Pradesh ki la ioh bordingelektriknyngkong mynta naduh ka por ba la ioh ia ka jinglaitluid ka ri.
“Ngi dang trei ha ka rukom trei Mission Mode ban wanrah ka roi ka par sha baroh ki longiing bad ki shnong ha ka jylla,” la ong u Myntri Rangbah Duh. U la kren ruh shaphang ki sienjam jong ka Sorkar ban kyntiew ia ki shnong ha ki jaka khappud hapoh ka Vibrant Border Village Programme ka ban kyntiew ia ki kam jngohkai bad pynduna ia ka jingmih noh ki briew na ka thain.
U la ong ruh ba dang pynlong ia ka prokram ba kyrpang ha ka jylla ban pyniasoh ia ki samla ka ri bad ka NCC ka ban wanrah ia ka jingthrang ban ai jingshakri ia ka ri bad ai jinghikai ia ki samla kumno ban iada ialade. Ha kaba pynkut, u Myntri Rangbah Duh u la ong, “Ka Sorkar ha ryngkat ka SabkaPrayas ki long ki korna ka bynta ka roi ka par jong ka Arunachal Pradesh.”
U Myntri Rangbah Duh ka Arunachal Pradesh, uPemaKandu, u Lat ka jylla Arunachal Pradesh, u B D Mishra, bad u Myntri Sorkar Pdeng, u KirenRijijuki la iadon lang bad u Myntri Rangbah Duh ha kane ka sngi hapdeng kiwei kiwei ki heh ki hain.
Ka kad liengsuinDonyi Polo Airport, Itanagar, Ha ka sienjam ba heh ban kyntiew ki lad ka leit ka wan ha ka thain shateilammihngi, yn pliepaidbah u Myntri Rangbah Duh ia ka kad liengsuin ba thymmai ha Arunachal Pradesh – ka ‘Donyi Polo Airport, Itanagar’. Ka kyrteng jong ka kad liengsuin ka dei ka jingpdiang jong ka jingburom naduh ki por hyndaiia ka Sngi (‘Donyi’) bad u Bnai (‘Polo’) ha Arunachal Pradesh.
Kane ka kad liengsuin, kaba dei ka kad lienguin ba thymmai kaba nyngkong ha Arunachal Pradesh, ka dei kaba la shna ha ka jaka kaba palat 690 acre, ha ka jinglut kaba palat T. 640 klur. Ka don ka runway kaba 2300 m, bad kumta kane ka kad liengsuin ka iahap ban don ka jingpynherliengsuin ha ka jinglong kumnokumno ka suinbneng ha ki por ba dang shai.
Ka terminal jong ka kad liengsuin ka dei katkum ka juk mynta kaba kyntiew ia ka jingpyndonkamtyngkai ia ka bording, ka bording na ki tyllong ba lah ban pynthymmai bad ka jingpyndonkam biang ia ki jingdon jingem.
Ka jingshna ia kane ka kad liengsun ba thymmai ha Itanagar kan kyntiew ia ki lad ka leit ka wan bad long ruh ka lynti na ka bynta ka roi ka par bad ki kam jngohkai ha kane ka thain. Ki kad liengsuin ha ki san tylli ki jylla ka thain shateilammihngi, ka Mizoram, Meghalaya, Sikkim, Arunachal Pradesh bad Nagaland ki la ioh ia ka jingpynherlieng suinnyng kong ha kine ki 75 snem.
Ka jingpynherliengsuin ha ka thain shateilammihngi ki la ioh ia ka jingkiew kaba 113% naduh u snem 2014, na ka 852 ha ka shi taiew ha usnem 2014 sha ka 1817 ha ka shi taiew ha u snem 2022.
600 MW Kameng Hydro Power Station, La shna ia kane ka projek ha ka jinglut jingsep kaba palat T 8450 klur ha ka jaka kaba don 80 kilometre ha West KamengDistrik jong ka jylla Arunachal Pradesh.
Kane ka projek kan pynlong ia ka Arunachal Pradesh kum ka jylla kaba pynmih tam ia ka bording, kaba iahap bad ka National Grid ha kaba iadei bad ka jingryntih ka grid bad ka jinglah pyniasoh. Kane ka projek kan iarap bha ia ka jingthmu jong ka ri ban kyntiew ia ka jingpdiang ia ka bording kaba khuid.
