Shillong, Kyllalyngkot 31: Mynta ka sngi ha ka por jan miet ki pulit ba la buh kyrpang ki la ioh ban kem ia u Phillip Maximus Raja Chyne halor ka jingdawa pisa jong u shilak tyngka na ka kmie jong u bah Rishanlang Nongsteng.
U tei u Bah Phillips u la phah da ka message sha ka kmie jong u tei u engineer u ba la jah mynta la katto katne bnai sha ka kmie jong u da kaba ong ba u khun jong ka u don ha ka kti jong u bad lada ka siew ia katei ka pisa kum ka bai kliarwait yn pynlait ia u khun jong ka.
Na ka liang jong ki pulit ki la ap ktem ia u mynta ka sngi bad la ioh ban kem na Laitumkhrah, u Bah Phillis u shong u sah ha saw lad.
Ha kawei pat ka jingjia mynta ka sngi ki pulit jong kane ka nongbah Shillong ki la ioh ban kem ia u Cardinal Shabong na Raitsamthiah halor ka jingkynnoh ba u la don kti lang ha kaba siat ia ka Lumdiengjri police station ha ka snem kaba la dep.(SP News)
