Shillong, Risaw 14: U Myntri ka sorkar pdeng ba dei peit ia ka tnad ka koit ka khiah u Dr. Mansukh Mandaviya u la wan sha Shillogn ha kaba u la plie hynniew tylli ki jingtei hapoh NEIGRIHMS hospital Shillong bad u la buh ia u mawnognrim ban shna ia ka Critical Care Hospital kaba 150 jingthiah na ka skhim PM-ABHIM.
Ki phra tylli ki jigntei kiba la plie mynta ka sngi da u myntri ka sorkar pdeng ki long, ka iing jong ka Medical College bad Hostel, ka Regional Cancer Centre, ka Nursing College bad Hostel, Module Operation Theaters, Virtual Autopsy Facility bad ka iing basa kaba thymmai.
Haba kren ha ka jingialang kaba la long ha Auditorium u myntri ka sorkar pdeng u la ong ba ka thong jong ka sorkar pdeng ka long, “Phin shah sumar ha India bad wan sha sumar ha India” dei halor kane ba ka sorkar pdeng kala shim ia ki lat ki lynti ban kyntiew ia ka koit ka khiah ha baroh ki liang da kaba pynbun shuh shuh ia ki seat ban pule Doktor.
La iathuh ba namar ka Ri Japan ka don kam ia ki nurse ban trei ha katei ka ri haduh 5000 ngut bad kid a kwah da ki nurse na North East, dei halor kane ka nongrim bala plie ar tylli ki Nursing College ha Guwahati ban ailad ia ki samla pule nalor ba ki kren ia ka ktien jong ka Pyrthei ka ktien phareng, kan bha ruh ban nang ia ka ktein Japan.
Haba ia dei bad ka jaka pule Doktor bad pule Nursing ha NEIGRIHMS la ong ba mynta yn pynkiew noh ia ka jingbun ki seat ban pule na ka 50 seat ha ka MBBS bad 50 Seat ha ka Nursing sha ka 100 seat ha ka MBBS bad 100 seat ha Nursing kane ka long ban pyioh bun ki doktor na ka bytna ban pynkhlain ia ki lat jingsumar.
Kane ka Regional Cancer Centre kaba la plie mynta kan don 250 jingthiah bad kan don ia ki kor ki bor kiba katkum kane ka juk kaba mynta, la ong ba ka sorkar pdeng kan pynbiang ia ki jingdon kam kane ka hospital namar ha kane ka jaka ki Rib a Shathi jong ka dewbah Asia ruh kin wan ban sumar.
Ha kane ka sngi la pdiang burom ia u myntri ka sorkar pdeng ba dei peit ia ka koit ka khiah da u Director ka NEIGHRIHMS, ha ka jingiadon lang u MLA kane ka jaka Mawryngkeng bah Heaving Stone Kharpran , ha ka jingiadon lang ki heh kane ka hospital bad jong ka sorkar jylla.
