Mairang, Jymmang 18: U Sub-Divisional Magistrate ka Mairang Civil Sub-Division ha ka hukum ba la pynmih mynta ka sngi u la pyntip ba namar jong ka jingiohpang COVID-19 jong iwei na ki Doktor ka Nongkhlaw CHC, Nongkhlaw.
Na ka liang jong u SDO ka Mariang u la pynbna ba yn khang shwa ia katei ka CHC tat ynda la dep test lut ia baroh ki High Risk contact jong itei i nongpang. Kumta, la kyntu ia ki paidbah kiba la leit sha ka Nongkhlaw CHC ha ka 13 tarik u Jymmang, 2021 bad hadien kata ba kin shong pynkyrpang ialade na ka bynta 10 sngi.
Ha kawei pat ka hukum, u Sub-Divisional Magistrate ka Mairang Civil Sub-Division u la pyntip ba hadien bala lap ba iwei na ki nongpang ba leit shim dawai na Wahrit PHC la ioh ia u khniang jingpang COVID-19.
Ia kane PHC ha Wahrit ruh yn khang noh shwa shipor ia kane ka PHC tat haduh ban da dep test lut ia baroh ki High Risk contact jong i nongpang, bad ruh, la kyntu ia ki paidbah kiba la leit sha ka Wahrit PHC ha ka 10 tarik u Jymmang, 2021 bad hadien kata ba kin shong pynkyrpang ialade na ka bynta 10 sngi.
Lada don kino kino napdeng kiba shongpynkyrpang ialade ha la iing kiba khie shit, jyrhoh lane jynjar ban ring ne pynhiar mynsiem bad kumta terter, ki dei ban pyntip mardor lyngba ka phone sha ki number phone 94853-95373, 82579-46145, 76420-08817 lane 89740-37257.
