Shillong, K.lyngkot 02: Ka seng JSU seng kmie ka lah thoh sha u SP ka West Jaintia Hills ban kyntu iaka tnat pulit ban ym ailad iaki trok kiba iaid ha surok bah ban shim pass kulmar mamar kane ka buh jingeh ia u paitbah kiba leit kiba wan na u juh u surok.
Ka jaka kiba blok khah khah kadei ka surok na Shillong-Jowai bad sha ka thaiñ Amlarem-Nongtalang namar ka jingiaid sahuh ki trok khlem da pyrkhat shuh iaki paitbah kiba iaid kiba ieng na u juh u surok.
Ka seng ka dawa dei ban pynshitom lada lap ia ki trok kiba shim pass ha ki surok bah bad ka tnat pulit ki dei ban shim khia bha ban lait ki paitbah ban shem jingeh khamtam kiba leit shim dawai ne phah sumar sha hospital bad kiwei kiwei de ki kam ba kyrkieh.
Ki nongialam ka seng hadien ba ki lah ioh kren bad u SP ka West Jaintia Hills u lah iathuh ba ka jia ki blok dei ba sniew ki trok ha surok bad ka buh jingeh ban pynjajd beit iaki kali namar u surok bah na Shillong-Jowai u long u ba rit palat.
Ki nongialam ka seng ki kyntu iaka sorkar ba lah dei ka por ban wad ki lad ki lynti ban pynheh noh ia u surok Shillong-Jowai namar ki kali kiba iaid na une u surok ki lah bun palat khamtam ki trok bad ka surok ka lah khim palat.
