Shillong, Jymmang 31: U Deputy Commissioner jong ka East Jaitnia Hills District u A. Baranwal, IAS u la pyntip paidbah ha ka 30/Jymmang /2024 ba la khang ia baroh ki jait kali ba kin iaid ha ka surok bah NH-6 ha ki bynta jong ka Lumshnong namar ka jingjur palat jong u slap.
Kane ka surok ka long ka byn shngian ban iaid kumba ka long mynta, kumta katkum ka kyndon 34(b) bad (m) jong ka ain Disaster Management Act, 2005, la khang ia kane ka surok ha katei ka bynta ban iaid ki kali katba ym pat dep ban maramot.
Na ka liang jong u Deputy Commissioner jong ka East Jiantia Hills District la hukum ia ka National Highway Authority of India (NHAI) ban kan maramot noh mardor ia katei ka bynta jong ka surok NH-6 kiba hap ha Lumshnong. Ia ki kali rit la bthah ba kin iaid noh na ka surok jong ki riew shimet jong ka Star Cement.
