Shillong, Risaw 04: U bah Coming Ymbon Myntri ka Civil Defence & Home Guards Bah Comingone Ymbon mynta ka sngi ka 4 tarik u Risaw 2024 ula pyntip bala pynkynriah shuwa ia ka Physical Efficiency Test (PET) ban pynrung kam ha ka Tnad Civil Defence & Home Guards ha Shillong namar ka jingbym ailad ka suinbneng.
U Bah Coming Ymbon ula pyntip ia kane hadien kajingleit jurip ia ka jaka kaban pynlong ia ka PET ha Civil Defence & Home Guards Complex, Mawdiangdiang Shillong, ha kaba la synran ia u da u MK Singh, IPS, Commandant General ka Home Guards and Civil Defence, u Commissioner & Secretary ka CDHG u Vijay Kumar Mantri bad ki heh ophisar jongka Civil Defence and Home Guards Department.
Ha ka jingiakren bad ki nongthoh khubor u Myntri ula pyntip ba la lum kyrkieh ia ka jingialang bad ka Central Recruitment Board (CRB) jong ka tnad hadien ba ula dep jurip bad iakynduh ruh ia ki samla kiba dei ban ialeh iaka Physical Measurement Test (PMT) bad Physical Efficiency Test (PET) mynta ka sngi hashwa ban shim ia ka rai ban pynkynriah noh ia katei ka test.
U la ongruh ba Ka sorkar kala rai ruh ba ki kyrtong kiba la shah jied ban leh ia ka PMT bad kiba la ialeh iaka PET ha ka 2 bad 3 tarik u Risaw 2024 kin ioh biang ia ka lad ban iashimbynta ha ka PET namar ka jingpynthud jong ka suinbneng ha kitei ki ar sngi.
U la ban ruh ba ia ki Marks kiba la ioh ha ka PET ha kitei ki 2 sngi, yn ym khein shuh ia ki lada ki samla ki rai ban ialeh biang iaka PET. Ka board kan pdiang tang ia ki marks kiban pynlong ha ka sngi kaba thymmai na ka bynta ban pynlong ia ka jingjied.
U la pyntip ruh ba na ka bynta ki 445 tylli ki kam kiba lait kiba kynthup ia 4 tylli ki post Sub-Inspector, 284 tylli ki post Guardsman, 17 tylli ki post Driver bad 140 tylli ki post Non-Combatant Employees (NCE) kaba la pynlong ha artylli ki jaka ha Tura bad Shillong.
Ka jingdon baroh jong ki kyrtong kiba la ioh pdiang ban iakhun na ka bynta ki 4 (saw) tylli ki post Sub-Inspector, Guardsman, Driver bad Non-Combatant Employee (NCE) ha ka jylla ki long 22474 ngut.
