Shillong, Jylliew 30: Mynta ka sngi ka Agatha K Sangma ka MP na Tura bad u Dr Mukul Sangma nongialam ka liang pyrshah kila thoh shithi sha u myntri kam poh iing ka sorkar pdeng ban dawa ba dei ban phah tohkit halor ka jingkhlad ka Rosy Sangma bad u Samuel Sangma kiba dei na Dimapur Nagaland.
Haka shithi ka Agatha kala thoh ba ki trei hapoh jong ka Delhi NCR, ha kine ki khyndait sngi ka Rosy kala ud ba ka sngew shitom bad la rah ia ka sha hospital bad kala khlad bad u para jong ka u Samuel baa p ia ka la kynnoh ba ka don ka jinglehbakla ha ka jingsumar kaba la wanrah ia ka jingkhlad ka para jong u.
Kaba phylla ka long bad ha ka sngi kaba bud la shem da ki paralok jong u ba u Samuel Sangma khlad ha hostel ba u sah da kaba shu sdien bad kane kala wanrah ia ka jingsuba sniew halor kane ka jingkhlad jong u kumta ban pynioh ia ka hol jont ki dei bah phah tohkit ban kem ia ki nongleh kam sniew.
U Dr Mukul nongialam ka liang pyrshah ha ka shithi kaba u la thoh sha u myntri kam poh iing ka sorkar pdeng u Amit shah u la ong ba u Samuel Sangma u ba la khlad u la ai ia ka ejahar pyrshah ia ki bor pyniaid ka Alpha Hospital, Basai, Gurugram, Haryana halor ka jingkynnoh ba kila leh bakala na ka liang jong ka Hospital kaba la wan rah ia ka jingkhlad ka hynmen arkmie.
Hynrei kaba phylla ka long ba ha ka sngi kaba bud u Samuel ruh la khlad ha jaka sah jong u halor kane u Dr Mukul u la dawa na u myntri ka sorkar pdeng ba dei ban shim khia ban peit ba ki nongleh kam sniew ki dei ban shah pynshitom katkum ki kyndon jong ka ain,la ong u Dr Mukul Sangma.
