Shillong, Jylliew 08: Ki nongtrei jong ka Mawmluh Cherra Cement Limited (MCCL) mynta ka sngi kila pynkhreh ban leit pynlong ia ka jingiakhih ha ophis treikam jong ka kaba don ha Lowerlachimiere ban dawa na ka sorkar ba kan siew dep noh ia ka pisa kaba dang sah jong ki nongtrei.
Mynta ka step na ka liang jong ka tnad pulit kala phah briew sha ophis jong ka MCCL kaba don ha :Lachumiere ban peit ia ka shong suk shongsain, hynrei na ka liang jong ka sorkar kala khot ia kren noh ia ki ban ia kren halor kane ka jingdawa ka jong ki ia ka pisa kaba sah.
Na ka liang jong ki nongtrei ka MCCL kila pdiang ia kane ka jingiakren bad la pynsngeh noh ia kane ka jingmut ban leit tur sha ophis ka MCCL ia mynta shipor namar ba kin leit bad ia kren bad ka sorkar kumba la khot ban long mynta ka sngi.
Katkum ki jingtip kiba la ioh la ong ba ka jingiakynduh kan long ia u Commissioner bad Secretary ka tnad pla pisa ka sorkar ha ka jingiadon lang u Managing Director ka MCCL ban ia kren ba ka sorkar kan siew noh ia ka pisa kaba dang sah T.30/- klur tyngka kaba la tip kum ka Golden Handshake.
