Shillong, Jymmang 08: Ka HYC Shillong City hynne ka sngi hapoh ka jingialam u samla Enlang Sawian ka leit ban ia kynduh ia ki bor pyniaid ia ka IHM Mawdiang2 Shillong hadien ka jingwan ujor jong ki khynnah khasi kiba pule hapoh ka IHM Mawdiangdiang Shillong, halor ka jingpynkiew kynsan ia ka semester fees jong ka 5th bad kumjuh halor ka jingphah siew ia ka due fees jong ka 3rd bad 4th semester kaba long 8600 ryngkat bad ka fees jong ka 5th semester.
Kaba dang shuh pynkiew kynsan na ka 47000 sha ka 57000 tyngka.Ha kaba kane ka jaka pule ka la pynkheiñ ia ka jingiateh kular katkum ka fees structure kaba la ai sha kine ki khynnah pule jong ka batch 2017-2020 ha ka por ba ki rung admission hapoh kane ka jaka pule.Kaba la pynklumar jingmut ia kine ki khynnah pule bad khamtam eh ia ki kmie ki kpa kiba kyrshan ia la ki khun ki kti ban leit pule hapoh kane ka jaka pule namar ka jingpynkiew syndet ia ka bai semester khlem ka pynjingtip bad kiba la iaid lait katkum ka fees structure kaba la ai ha ki naduh nyngkong.
Ki nongialam ka seng halor kane ki la ioh ban iakren bad u Principal ka IHM Shillong,ha kaba na ka liang u principal u la khubur ba kane ka dei ka jingbakla jong ki nongtrei kane ka Jaka pule ha kaba ki la kum ai ia ka fees structure kaba bakla sha kine ki khynnah jong ka batch 2017-2020.
Ka seng Ha kaba iadei bad kine ki jingbakla da lei lei kan nym lah ban pdiang satia namar dei ki nongpyniaid kiba bakla bad kiba la leh thumur ym ki khynnah pule lane ki kmie ki kpa.Kumta ka seng ka la bthah ba ia kata ka jingbakla ha fees structure ka dei ka kamram jong ka Institute ban compensate na ka account jong ka Institute hi hynrei ym ban shim ia ka pisa na ki khynnah pule.
ka seng ka la bthah ia ki bor pyniaid jong ka IHM ba ka bai semester jong ki khynnah 5th semester dei ban sah beit kumjuh kumba la ai ha ki ia ka fees structure jong ka snem 2017 haduh ba kin da pyndep ia ka jingpule jong ki nakane ka jaka..ki bor pyniaid ki la kular ha khmat ki Nongialam ka seng ba pynbeit noh mardor halor kane bad ki la kular ruh ba kan nym don shuh kano kano ka pynkiew ia ka bai klass jong ki khynnah pule 5th semester.
