Shillong, Rymphang 07: Ka KSU Jirang Circle Lyngba ka Education Cell ha ryngkat ka jingdon U Samla Kitdor Thangkhiew ha ka 5 tarik u Rymphang ka la leit ban ia kynduh ia ka District School Education Officer (DSEO) Jong ka Ri Bhoi District, halor ka jingud jingnam Jong ki kmie ki kpa Jong ki khynnah skul kiba don ha ka class IX kiba la Shah kyntait haka admission hapoh ka Jirang Government Higher Secondary School.
Ki khynnah pule baroh kiba thep skul ha katei ka shlem ai jinghikai ki long 38 ngut kiba Shah kyntait ki long haduh 32 ngut bad tang 6 ngut kiba ka Jirang Government Higher Secondary school ka pdiang bad dei halor katei ka nongrim ba ki kmie ki kpa ki wan ban kyrpad ia ngi ka seng, kumta na ka liang ka seng ka shim ia ka jingkit khlieh bad ka la leit ban ia kren ia ki bor pyniaid skul hapoh skul hynrei kam lap ia u Principal bad kam long kaba seisoh kumta ki la ioh ban shu ia phone bad I principal hynrei kam wanrah iaka jing bymhun kumta ka seng kala leit ban kynduh ia ka DSEO Ri Bhoi District sha Nongpoh.
Kumta halor ka tei ka jingleit kynduh Jong ka seng ia ka DSEO ka long ban dawa ba katei ka shlem ai jinghikai kaba ai jingshakri ha katei ka thaiñ ba ka dei ban pdiang ia ka ka jingpynrung skul ia ki Khynnah pule, hadien ka jingiakren bad ka jingdawa ka DSEO ruh ka la ai ka jing kular ba ia ki khynnah baroh kiba Shah kyntait ba dei ban pynrung/pdiang lut khnang ba kan ym don Kano Kano ka jing pep skul shiteng por Jong ki khynnah haka dong ka thaiñ kaba lah ban ialam sha ka shong kha khynnah jong ki khun ki kti ka dong ka thaiñ.
Halor kata ka Education Cell Jong ka KSU Jirang Circle ka sngew nguh Shibun eh ia ka DSEO Jong ka Ri Bhoi District, Kaba la kloi ban ia sngap bad ka jing pynsngew ia ka jingdawa jong Seng KSU Jirang Circle bad ka kular ba ha ka sngi ba bud kan sa bthat ban pdiang ia ka jingrung skul ki khynnah pule ka thaiñ Jirang.
