Shillong, Naiwieng 11: Mynta ka sngi ki lai tylli ki seng bhalang kiba kynthup ia ka KSU, HYC bad ka HANM kila leit ban khang ia ki ophis kiba plie bad kiba bun na ki ophis kiba shah khang dei ki bank kiba don ha Khasi Hills.
Ha kane ka nongbah Shillong mar ia plie ia ki bank ha ka por trei kam ki briew kiba la kam bad pynithuh ba ki dei na ka seng KSU bad ki dkhot ka HYC kila leit ban ong ia ki nongpyniaid jong ki bank ba ki khang namar mynta ka sngi ka dei ka seng shad lehniam Nongkrem ia kaba ka sorkar kala pynbna shuti.
Ha Ri Bhoi jong ki thain Byrnihat ki briew kiba la kam ba ki dei ki dkhot jong ka seng HANM kila leit ban khang ia ki bank kiba plie mynta ka sngi bad ka jingleit khang ia ki ka long halor ka nongrim ba mynta ka sngi ka dei ka sngi shat Nongkrem kaba ka sorkar kala pynbna.
Kitei ki lai tylli ki leit ban khang ia ki ophis kiba plie mynta ka sngi ka long ban pynsngewthuh ba ki dei ban burom ia ki sngi ba kyrpang jong ka jaidbynriew ha kaba wat ka sorkar jylla ruh kala ai shuti ha kum kine ki sngi kyrpang.
U samla Pynshai Rani nognai ktien ka seng KSU seng kmie u la kren shai ba ki ophis baroh kiba don ha u pud u sam jong ka Khasi Hills haba ki don ki sngi ba kyrpang jong ka jaidbynreiw ia kiba ka sorkar kala pynbna shuti baroh ki dei ban burom ia kata.
Na ka liang jong ka HYC ruh lyngba ka Media Cell jong ka seng kila pynpaw ba kane ka jingleit khang jong ki ia ki ophis ba mynta ka sngi ka long ba ki ophis kiba don ha kylleng kim shym la burom ia ka shad Nongkrem kumba ka sorkar kala pynbna shuthi ha kane ka sngi.
Na ka liang jong ka seng HANM hapoh ka jingialam jong u President ka shnat Byrnihat kila leit ban khang ia ki bank kiba don ha katei ka jaka namar ba kim shym la burom ia kane ka sngi shad Nongkrem kaba dei ka jingleh niam jong ka jaidbynriew.
