Shillong, Jymmang 17: Ka Khun Hynniewtrep National Awakening Movement (KHANM) ha poh ka jingialam u Bah Thomas Passah u ba dei u working President ha ryngkat ki dkhot jong ka KHNAM mynta ka sngi ka 17 tarik u bnai Jymmang 2024 ki la leit ban ai da ka jingthoh ha khamt u Deputy commissioner jong ka Tnad Labour jong ka Sorkar Jylla ha ka ba iadei bad ka dor jong ka bai bylla sngi jong ki nongtrei nongbylla.
Ha ba ioh ban ia kren bad ki nongthoh khubor na ka liang u working President jong ka KHANM u bah Thomas Passah u la ong ba ka dor bai bylla ba la buh da ka sorkar mynta ka la long ka ba duna shaba palat ha bai a nujor bad ka jingkiew dor jong kimar ki mata bad khamtam ha ka jingkiew dor jong ki marbam mardih ha ka ba kane kala ktah ia ki longiing ki ba duna ha ka ioh ka kot.
U bah Passah u la ong ruh ba na ka liang ka seng ka laioh ban budien ia kane ka kam mynta la kham slemm ha ka ba ki la ioh I ia ka jingkiew dor jong ki marbam mardih ha ka ba kami a hap shuh kat kum ka bai nong sngi ka ba ki ioh.
U la ong ruh ba na ka liang ka sorkar ka la shna ruh ia ka sub committee ban ioh ban peit bniah halor kane ka bynta ha kaba na ka liang ka KHNAM ka la ioh ban ai jingmut ia ka ban ia ryngkat kat kum ka jingdon kam jong kane ka juk ba mynta.
U bah Passah u la ong ruh ba ka daily wages ka don ha ki artylli ki bynta ha ka ba ka bynta ba nyngkong ka dei na ka based amount bad ka ba ar pat ka VDA. U la pynshai ruh ba kat kum ka based amount na ka liang ka sorkar ka lah ban pyn kylla manla ka san snem kat bai a ka vda pat ka sorkar ka kyntiew man ka hynriew bnai.
U la ong ba ka Principal amount ka ba ka sorkar ka wan rah man la ka san snem ka long ka ba don kambha ha ka ba kane kan lah ban ia rap bhai a ki paidbah.
U la ong ruh ba ka Principal amount ha ka ba ka sorkar ka dei ban peit bniah bha khnang ba kan ym ktah ia ka san snem ki ban sa wan na ka bynta ki paidbah ki ba im ja sngi da ka ba shu bylla sngi.
U bah Passah u la ong ruh ba kane ka hukum ba la pynmih da ka tnad Labour ka dei ban khmieh bniah ia kane ka jingpyntrei kam ba ki la pynmih bad u la ong ruh ba ki don ki tnad sorkar ki bym bud ia kane ka jingpynmih hukum da ka tnad.
U la ong ruh ba la da ki tnad trei kam jong ka sorkar nangne sha khmat kim lah ban bud ia ka notification ba la pynmih da ka tnad na ka liang ka seng kan sa leit ban ai da ka jingthoh sha kine ki tnadsorkar.
Ha kane ka jingleit ban ai da ka jingthoh ha u Deputy Commissioner jong ka tnad Labour ha ka ba ki la kyrpad ba kidei ban kyntiew noh ia ka bainong sngi jong ki nongbylla bad u la kyntu ruh ia ka sorkar ba kadei ban shim khia halor kane ka bynta.
