Shillong, Jylliew 12: Hadien ba la ioh ia ka jingujor na arngut ki Khasi Pnar jong ka Block-1 kiba ym shim la pynpaw ia ka kyrteng jong ki kaba la jia ha ka 6 tarik jylliew 2025 ha ka sngi ïew Myn-i, arngut ki jaitbynriew Karbi kiba la tip kyrteng u Augustine Hanse bad uwei uba la ithuh kum u dkhot ka Karbi Students Association (KSA).
Ka HBDRF kala ong ba kila byrngem ban tan ia uwei u briew Pnar sha Hamren Police Station da kaba kynnoh ba u dei uwei na ki convenor uba don ia ka jingkitkhlieh ban kyntu ia ki paid Khasi Pnar jong ka Block -1 ban wan sha ka jingiaid paitbah bad ka jingialang ha Jowai ka ha ka 3 tarik bnai ba jymmang 2025.
Ha ka kyrwoh khubor ba la ka Hynniewtrep Border Disputes Redressal Forum (HBDRF) La iathuh ba kitei ki Karbi ki maham bad byrngem ia ki Khasi Pnar jong ka Block – 1 ba kim dei ban iashim bynta ha kano kano ka jingialang ne jingialang paidbah bad ki Khasi Pnar jong ka Meghalaya.
“Ki pyrshang ban pynbor ia u Khasi Pnar jong ngi ban im hapoh ka jingsynshar jong ki ne ka dei na bynta kaei” Halor kane ka jingpynbeit pud, ki dei ban pynpaw ïa ka jingkwah bad jingmynjur jong ki ban don hapoh ka Karbi Anglong Assam, ym ban pynpaw ia ki jingjied jong ki, ia la ka jingkwah lajong kata ban kynthup ialade bad ban pyniasoh biang ha ka jylla Meghalaya.
Ki ong ruh ba, lada kim iahap jingmut ki dei ban mih noh na la ka iing bad ka jaka. Kita ki rangbah ki la dawa ruh ban register noh ïa ki jaka jong ki sha ka Karbi Anglong Autonomous Council of Assam bad ban apply ïa ki Personal Identity Document jong ki sha Karbi Anglong Assam.
Ki lah maham ruh, ba kim dei ban iathuh ia kane ka jingiakren shano shano ruh khamtam sha ki nongialam jong ki NGO’s jong ka Meghalaya bad lada ki leh kumta, ki lah ban iap ha ki kti jong ki.
Ha kaba iadei bad kane ka mat, ha ka 10 bad 11 jylliew 2025 ka Forum ka la ia kynduh ia u Deputy Commissioner ka West Jaiñtia Hills u Shri U Abhinav Kumar Singh bad ia u Superintendent of Police ka West Jaiñtia Hills u Shri. C. Syrti ha kaba la don ka jingiakren kaba jylliew ban aiti noh ia ka jingujor ne ki kaiphod.
Baroh arngut ki ne ki heh jong ka West District Administration ki pynthikna ba ka Forum kan shim khia bad ka Assam counterpart ban pynneh pynsah ia ka suk ka saiñ na ka bynta ka jingsuk bad ka hok jong ki paidbah Khasi Pnar jong ka Block-1.
Ka Forum lyngba u Chairman u bah C Sungoh ka la ai jingkren sha ki Karbi, na ka bynta kito kiba sah hapdeng ka Labang Nangphyllut bad West Jaiñtia Hills ba kin burom iwei ïa iwei ban ym pynmih ïa kino kino ki jingsngewthuh bakla bad ki jingïakynad. Ki dei ban burom ia ka hok jong ki Khasi Pnar jong kane ka thaiñ kiba long ki tynrai ki nongshong shnong ba nyngkong bad ki nongseng ia ka ri.
“Ki Khasi Pnar ki don la ka hok ban pynpaw ia la ka jong ka sur bad ka jingkwah ban dawa ban pynkylla bad pyniasoh biang ia kane ka bynta jong ka khyndew sha ka jylla Meghalaya, kumba la pynbna da ka sorkar Meghalaya bad Assam ba kane ka jaka ka la don hapoh ka jingiakren, ba kam dei jong ka Assam ne ka Meghalaya, Kumta ki Karbi dei ban sangeh noh.
Ka Forum ka pynbna ba ki Khasi pnar jong ka Block -1 lem bad ka Sorkar, ki NGO kin iatylli ban pynkut noh ia baroh ki jingtieng bad jingbym shngaiñ jong ki paid khasi pnar ha ki thaiñ khappud.
Ka Forum kan thoh sha ka sorkar Meghalaya bad ki bor synshar District jong ka West Jaiñtia ban pynlong ïa ka jingïalang lang hapdeng ki bor synshar District jong ka West Jaiñtia Hills bad West Karbi Anglong ryngkat bad ki nongïalam ka thaiñ, ki rangbah shnong bad ki nongïalam jong ki seng treimon sngewbha ban pynneh pynsah ïa ka hok, ka shongsuk shongsaiñ bad ka hok jong ki Khasi.
