Shillong, Lber 06: ka kynhun jong ki Bank hapoh jong ka lama ” United Forum of Bank Unions” Kin pynlong ia ka jingsangeh treikam kaba ar sngi lynter ha ka 15 bad 16 tarik mynta u bnai ha ka ri baroh kawei ban pyrshah ia ka jingthmu ka sorkar ban aiti ia ki bank ka sorkar sha ki riewshimet.
Ban kyrshanlang ia katei ka jingiakhih ha Meghalaya ka UFBU Meghalaya Unit kan pynlong ia ka jingshong kyllain mungor ba shisngi ha Head ophis jong ka State Bank jong ka ri India naduh ka por 11.00 baje mynstep haduh ka por 5.00 baje jan miet ha ka 10/3/2021 kata la sngi balang.
Ka UFBU ka pyrshah jurm ia ka jingthmu ka sorkar ban ailad ia ki riewshimet ba kin ioh ban don bynta haduh 74% ha ka Life Insurance Corporation kaba dei ka jong ka sorkar, ka UFBU kan dang pynjur ia ki jingiakhih ban pyrshah ia katei ka jingthmu, ong u Saradindu Das u nongkhot jong ka UFBU, Meghalaya Unit.
