Shillong, Nailur, 03: Ka ophis jong u Deputy Commissioner ka East East Khasi Hills District, Shillong ha kaba iadei bad ka kyndon 163 BNSS ba la khang pyrshah ban pynder Drone 3 km sawdong State Central Liberary Shillong ha ka sngi wan u Vice President ka Ri India.
Kane ka dei shaphang ka jingleit jngoh jong u Vice President ka Ri India iaka nongbah Shillong naduh ka 7 haduh 8 tarik Nailur, 2026 bad bun ki riewpaw khmat bad ki kiwei kiwei kin iadon lang ha katei ka tamasa.
Kane ka dei ka hukum na u District Magistrate ka East Khasi Hills, u Abhilash Baranwal, uba la mana pyndonkam ne pynher drone naduh ka 7 haduh 8 tarik Nailur, 2026 hapoh u pud u sam uba jngai 3 kilometer na kine ki jaka, kata ha State Central Library, Shillong, kaba dei ka jaka ban pynlong iaka jingialang ne ka tamasa, Lok Bhavan, Shillong.
Katba ka jaka ba la mana ban pyn her drone ka long ba ym shah pynher iano iano ruh iaki drone ne ki kad liengsuin rit ba pynher da ka remote bad ka por ba pynjari kan dei naduh ka 7 haduh ka 8 tarik Nailur, 2026. Ia kane ka hukum la pynmih hapoh ka kyndon 163 ka BNSS ban pynneh iaka shongsuk shongsain bad ka jingshngain.
Namar ba ka kam ka long kaba kyrkieh, ia kane ka hukum la pynmih khlem da iohsngew shwa ia baroh ki liang bad kan treikam noh naduh kane ka khyllipmat bad kan sah kaba treikam haduh ka por naduh 7 8 tarik Nailur 2026. La pynsnoh da ka kti bad ka muhor jong nga ha kane ka sngi, ka 3 tarik Nailur, 2026.
