Shillong, Nailur 03: Mynta ka sngi 03/Nailur/2026 ka tnad pulit kala khot hajir ia ki ar ngut ki nongialam ka Khasi Student’s Union, u samla Samuel Kharbani General Secretary Mihngi Circle basah ha Nongmynsong bad u samla Celestine Lyngdoh Ronghang basah ha Umroh.
Ka jingkhot hajir ia kine ki nongialam ka KSU ka long halor ka jingleit jong ki ban khang tala ia ka mandir kaba don ha phyllaw ka ophis jong ka Central Bureau Investigation kaba don ha Mawdiangdiang ha ki bnai ba la dep.
Hadien ba la dep ki jingtohkit haba iadei bad katei ka phang kumba la khot hajir ka tnad pulit kala pyllait noh ia u samla Celestine Lyngdoh Ronghang katba ia u samla Samuel Kharbani la kem ia u ha kaba iadei bad ka jingiaid paidbah ka jong ki ha ka 19/Nailar/2026, ki pulit kila rah sha Civil Hospital ban phah peit doktor bad hadien kata kila rah pat sha iingbishar.
Ka President Seng Longkmie Nongmynsong ka kong Margaret Khyriem kala ong ba kila wan ban pynpaw ia ka jingsngewkhia namar ki wan halor ka jingshah khot hajir ha kaba iadei bad ka jingleit khang tala ia ka mandir bala shna ha phyllaw ka ophis jong ka CBI ha Mawdiangdiang.
Ka President kala ong ba ka dap da ka jingsngewkhia balei ki pulit ki leh ha kane ka rukom namar ha kato ka sngi kim don ha kata ka jingiaid paidbah kane ka long kmie kala kynnoh bala shu pharep ia kine ki khun samla.
