Shillong, Nailur 25: Mynta ka sngi ka Khasi Students’ Union jong ka East Jaintia Hills District kala pynlong ia ka jingiakhih shongkyllain mungor ha jan ophis jong u Deputy Commissioner ka East Jiantia Hills District ban pynpaw kyrshah ia ka jingsniew palat kane ka surok National Highway-6.
Ha dien bala pynlong ia ka jingiashong kyllain myngor mynta ka sngi ka seng kala kyntu ia ki paidbah ba nym ia mih naduh ka por 7 baje jan miet haduh ka por 5 baje mynstep la khot la wer ban ia treilang ban pynbor ia ka sorkar ba kan shna noh ia kane ka surok.
Ha kane ka sngi ki nongwan ia shim bynta ha kane ka jingiakhih shong kyllain mungor kila pyndap khynew ia jaka bala thliew palat bad ki thung ia u kba ha surok ban pyni haduh katno ka surok kala siew katei ka NH-6.
Ym tang katta kila pynlong ruh ia ka jingkhwai dohkha namar ba ki thliew kiba la dap da ka um kila jylliew bha bad kane ka long ban kdew ba ka sorkar ka dei ban leh ei ei ban pynbha ia kane ka surok kaba don kam ha ka Jiantia Hills.
Kiwei ki seng kiba la ia mih ban kyrshan ia ka kSU ki long ka seng sain pyrthei ka VPP, FKJGP, JSU, HITO,HNYM,AJYWO, kitei ki seng baroh kila phah ia ki dkhot jong ki ban ia shim bynta lang ha kane ka jingiakhih bala ialam da ka KSU.
