Shillong, Iaiong 13: Mynta ka sngi u symbut myntri rangbah ka jylla u bah Prestone Tynsong mynta ka sngi la khot ia ka jingialang ia ki nongialam jong ka Harijan Colony bad kane ka jingiakren mynta ka sngi ka long kaba seisoh bad na ka liang jong ka sorkar jylla kala kren shai ba kin pyntrei kam ia ka kaiphot jong ka High Level Committee ban ai jaka sah shawei ia kiba sah ha Themetor.
Haba kren sha ki lat pathai khubor ha dien ka jingialang na ka liang jong u symbut myntri rangbah ka jylla la pynshai ba ka jingai jaka sah shawei kan dei ban long katkum ka kaiphot jong ka HLC namar ka jaka ba kin sah ruh la pynbeit da ka sorkar ha kaba ki lah ban kynriah lada kam dei haka juh ka jaka ruh leh sei shawei.
Ha kane ka jingialang la u symbut myntri rangbah u la ong ba kin rah ia kane ka khubor sha ka kynhun jong ki ba kin ia kren hapdeng jong ki bad kin wanrah pat ia ka khubor sha ka sorkar bad kane ruh ka long katkum ka jingkdew jong ka High Court jong ka Meghalaya ba kane ka jingai jaka shawei kan long noh khamkloi.
Ka long kaba sngewtynnad ba u shongknor, u secretary bad ar ngut kiwei ki dkhot kila wan ban ia kynduh bad ha ka jingialang kila ia kren shai bad ba kin sa ia kynduh biang ha ka 25 tarik mynta u bnai ban ia kren bad leh se ha ka jingialang ka ban sa wan lah ban iathuh shai kaei karai ha kaba ia dei bad ka jingai jaka shawei.
Haba ia dei bad ki jaka ua mynta ym pat lah ban ong ei ei namar ia mynta ka tnad pynroi sor ka dang peit bniah ia ki jaka bad dang ap ia ka kaiphot na ka Shillong Municipal.
La ong ba kumba ka long la ai jingkhein ba ki don 342 long iing bad kine ki dei kiba la don naduh mynshuwa bad kiba mynta ruh, ia ka jaka ban pynsah ia ki dang iaid bad kin ia kynduhbiang ha ka 25 tarik mynta u bnai ban ia kren ia kane ka kam ban ai jaka shawei ia ki ba shah ha Harijan Colony sha kawei ka jaka.
