Shillong, K.Lyngkot 27: Ka kong Banrilang Pyngrope kala pynbna ba kin pynlong ia ka jingiasoi kyrteng ha ka sngi Saitjain ban wan ban pynpaw sha ka sorkar ba kan wanrah ia ka jingbhah kam kaba markatjuh ha pdeng ki lai tylli ki jaidbynriew, Khasi Jaintia bad Garo.
Ia kane ka jingiasoi paidbah ha Shillong, ym pylong ha Mawkhar, ha Ri Bhoi ha Nongpoh, ha Jaintia Hills ha Jowai bad ha West Khasi Hills yn pynlong ha Nongstoin, la ong ba la shim ia kane ka rai ka long ban pynlait na ka jingiaid paidbah ban lait na ka jignshah bom ha ki pulit.
Ka kong Banrilang ka kyrpad ia ki riew paidbah ki seng bhalang kum ka KSU, HYC bad kiwei kiwei ki seng ba kin ia mih lang ban ai ia ka jingkyrshan ban ia soi paidbah ban dawa na ka sorkar ba kan wanrah ia ka jingpynkylla ia ka polisi bhah kam ha ka jylla, la ong ba kumba ka long myta kam long ryntih ka jingbhah kam.
Kumba ka long mynta bun na kiba leit ban thoh ia ki eksamin bun kila ong lypa ba kan myntoi aiu ban leit thoh eksam jong ka MPSC namar ba kane ka jignbhah kam ka long 40% ia kawei ka jaidbynriew bad 40% ia ki ar tylli ki jaidbynriew kane kala pynlong ia ki ba bun ban ong yn leit thoh leh aiu kin nym ioh kam.
