Shillong, Jylliew 05: Ka tnad Social Welfare bad ka jingiatreilang bad ka tnad pulit jong ka sorkar Meghalaya kan pynlong ia ka jingialang ha ka sngo thohdieng ban ia mir jingmut kumno ban leh ba ia khun pyrshah ia kane ka jingkynrei ki kam dih drok ha kane ka jylla bad kyrpang ha nongbah Shillong.
Kane ka jingialang kan long bad ki MLA, ki MDC, ki dorbar shnong jong ka sor Shillong, kane ka jingialang kan long ha ka sngi Thohdieng ha State Convention Centre Shillong ha ka por 2.00 baje noh phai sngi ban ia kren kumno ban ia khun pyrshah ia ka jingjyllei ki kam dih drok.
Ia kane ka jingialang la khot kum shibynta jong ka Drug Reduction Elimination & Action Mission (DREAM) kaba la pyntrei kam naduh u Jylliew 2023, ka thong ka long ban pynlait ia ka jylla Meghalaya na ki kam dih drok da ka jingiatreilang na bun ki liang ban pynduh ia kane ka kam dih drok ha ka jylla.
Halor kane u myntri ba dei peit ia ka tnad Social Welfare u bah Paul Lyngdoh u kyntu ia ki dorbar shnong ka sorkar shillong bad kiba don sawdong ka nongbah ba kin ia poi khnang ha katei ka sngi ban ia mir jingmut kumno ban ia treilang ban ia khun pyrshah ia kane ka jingsniew bad ban pynlong ia ka jylla kaba lait na ki kam dih drok.
Kane ka jingialang ka long ban ia peit haei ka don ka jingduna bad ban jop ia ka da ka jingiatreilang bad ki kynhun ruh kum ki Village Defence Party katkum ka Meghalaya Village Defence Organisation Rules 2008, ba ki VDPs kin iarap ia ki pulit ban pynneh pynnsah ia ka shnong suk shongsain ban ia ia da na ki nongleh kam sniew kiba tuh bat him bad kane ka kam ban ia khun pyrshah ia u drok ruh ka hap ha ka jingpeit jong ki VDPs.
Ban ia bor ia ki VDPs ka long kaba don kam, da ka jingiatreilang bad ki seng trei mon sngewbha kiba don ha ka jylla bad ka Meghalaya AIDS Control Society, ki dkhot jong ka DREAM mission bad ka jingjop ban ia khun pyrshah ia kane pyrshah ia u drok kala kiew da 20%. Nalor u myntri ka sorkar jylla kin don lang ruh ki ophisar ka sorkar jylla bad ki heh pulit.
