Shillong, Jylliew 23: U Myntri ba dei khmieh ia ka tnad kam jngohkai Pyrthei u bah Paul Lyngdoh u ba dei ruh u shongknor jong ka regional Committee West Khasi Hills District mynta ka sngi ka 22 tarik u Jylliew 2024 u la pynpaw ka ba ka jingia pynbeit pud pynbeitsam bad ka Assam ka la iaid sha khmat bad ka ba sah mynta ka long ban ioh ban leit juriplang ia kine ki jaka.
Ha ba ioh ban ia kren bad ki nongthoh khubor na ka liang u bah Paul Lyngdoh u la ong ban pule bniah ha ka jingpynbeit pud bad ka sorkar Jylla Assam na ka bynta ka Kamrup District, iakane la kren sha sngi Saitjain.
U la ong ruh ba ka sah satang shisien ha ka ban leit jurip ia ka Langpih. U la ong ruh ba ia mynta ki dang ap ia ka regional Committee jong ka Kamrup District ban phah jingthoh na ka bynta ban leit jurip lang ia katei ka jaka ia ka ba la niew kum ka jak aba don ka jingia kynad pud.
U bah Lyngdoh u la ong ruh ba hadien ba ki la ioh ia ka jubab na ka regional committee na ka Kamrup District shen kin sa ioh ban leit jurip. U la ong ruh ba na ka liang ka regional committee ka la dep ban ioh ban iakren haduh lai sien.
U Bah Paul la ong ba kaba sah mynta ka long tang ban leit jurip ia kine ki jaka. U la ong ruh ba ha dien jong kane ka jingleit jurip na ka liang ka regional Committee kan sa ioh ban phah ia ka report sha ka Sorkar Jylla.
