Shillong, K.Lyngkot 06: U President jong ka party HSPDP u la ong ba ka jingialang jong ka party haba ia kren halor ka jingiatylli la ong, ban ia tylli ha kawei ka lama ia mynta ka long kaba dang kham eh.
Haba kren ha ki lat pathai khubor u president ka party HSPDP u bah Pangniang u la ong ba kaei kaba ki kren ba ia ia mynta yn ia treilang para party seng riewlum, kumba ka long kala don ka Regional Alliance ia kaba dang hap ban pynbha shu shuh ia ka.
Kumba ka long ka jingiakhun ban pynioh ia ka jylla la ka jong ruh la sdang ia khih da ki seng riewlum kum ka APHLC , HSPDP, ha kane ka kynti kaba mynta ruh ngeit ba kin ioh kham bun ki nongmih khmat bad u bah Pangniang u la kren shai ba kin nym lah ban lait na ka sorkar ia treilang.
Ka HSPDP ka kwah ban ioh ba ki seng riewlum kin ialam ia ka sorkar da ka jingiatreilang bad ki seng national party, ka thong jong ka HSPDP ka long ba ki seng riewlum ki dei ban wan sha khamt ban ialam ia ka sorkar kiba ieng ban iada ia ka khyndew ka shyiap, ka riti dustur ia ka hok nognkynti.
U Bah pangniang la ong ba um iohi ba kan don kata ka jingktah na kata ka ALL India Trinamul Congress, ka jingiohi lada ka don ka jingiaknieh para National party kan long ka jingkyrkhuh ia ki seng riewlum, baroh shikatta shah kynnoh ba ki seng riewlum ki ia paid hynrei mynta ki ia treilang.
Na ka liang jong ka party HSPDP ka don ia ka nongrim bad dei na kane ka daw ba ka iing halor ki nongrim ban iada ia la ki jong ki briew ka khydnew ka shyiap bad kum ka party kan dang ia ieng ban iada ia ka jaidbynriew.
U President jong ka shnat ki samla jong ka party HSPDP u bah Ksanbor Ryntathiang u la ong ba ka seng ki samla ki phah ia ka khubor sngewlem halor kane ka jingkhlad noh jong u bah Neil Nongkynrieh , ha ka juh ka por ka long ba ka seng kan shna ia ka online registration na ka bynta ban pynrung ia ki samla kum ki dkhot ban trei na ka bynta ka jylla.
La ong ba ka long kaba don kam ba ki khun samla kin don bynta lang ha ka sain pyrthei bad ka seng kan pynlobng ruh ia ka jingiakop thoh esse halor ka jylla kyrpang ka Khasi Jaintia, ka jingdon ka HSPDP ka dei ka stieh iada ia ka jaidbynriew ba ka sa neh haduh mynta, la ong u Bah Ryntathiang.
