Shillong, Jymmang 31: U bah Michael Kharsyntiew u wei na ki riew paidbah bala lamih sha khmat ban iarap ia ki paidbah kiba don kam lem bad ka kynhun jong u ha ka meit sngi u blei kila ia mih ban synreit dawai ia ki jaka paidbah ban iada ia ka khlam COVID-19.
Kane ka jingsynreit dawai ka long naduh Robert Hospital Shillong ter ter sha duh Motphran, kane ka jingsynreit dawai ka long ha ki jaka ba kham don ki riew paidbah kata ki dukan, ka hospital bad ki phylla jong ki iing mane kiba don hapdeng kitei ki jaka.
U bah Michael u la ong ba kane ka jingsynreit dawai ka long ban iada na kane ka khlam COVID-19 khamtam eh ha ki jaka paidbah, kane ka jingleh ka long ban pynsngewthuh ia ki paidbah ba kin long kiba sumar ia lade ban lait na kane ka jingpang.
Ha ka juh ka por la kyntu ia ki paidbah ba kin but ia ki jingbthah jong ka sorkar kiba la pynmih na ka por sha ka por ban iada na kane ka jingpang khlam kaba la ktah ia baroh kawei ka pyrthei ka Ri, ka jylla bad kum juh sha ki shnong ki thaw.
U Bah Kharsyntiew u la ong ba lada kum ki paidbah kin bud ia ki kyndon kane ka jingpang kan sa hiar bad ka sorkar ruh kan sa pynlait ban ia leit kamai ka jih namar kumba ka long mynta ki paidbah kila ia kynduh jingseh shisha namar kane ka khlam.
