image description
Shillong, Jymmang 11: Ka seng Hynñiewtrep Integrated Territorial Organization (HITO) mynta ka sngi kala phah da ka jingthoh sha ka Deputy Commissioner jong ka East Khasi Hills District ban kyrpad ban plie ia ki dukan thep mobile ban ioh leh ‘online class’.
Haka jingthoh kaba la phah sha ka DC jong ka East Khasi Hills District ka seng kala pynsngew ba kum ka seng kala ioh ia ka jingud jingam na ki kmie ki kpa jong kiba kiba bun ki kmie ki kpa namar ba kim ioh thep mobile.
Ka seng HITO kala pynsngew ruh ba bun na ki kmie ki kpa jong ki khynnah kim nangbah thep onlie bad ki don bun kiba khlem pyndon kam ia ka ATM Kard hynrei namar ba kim pyndon kam ia ka jingsiew lyngba ka online ka buh ia ki samla pule ha ka jingeh.
Kawei kaba jingeh kaba la buh ia kiba bun ka long ba namar ka jingbym iohban thep internet kim ioh ban register ia lade ban ioh ia ka Tika COVID-19, halor kitei ki nongrim ka seng ka kyrpad ia ka DC ban plie ia ki dukan thep mobile, la ong u bah Kheiñduh Dkhar Education Secretary seng kmie.
