Shillong, Naiwieng 03: Mynta ka sngi ka MP jong ka Tura ka Agatha K Sangma mynta ka sngi kala ialam ia ka kynhun kaba kynthup ia u Thomas A Sangma, Lamphrang ka iing dorbar thawain ka jylla Meghalaya, u Marcuise N Marak, myntri ka tnad sam um u President of A’chik Literature Society (Garo), u Dr. Caroline R. Marak, kila leit ban kynduh ia ki ophisar ka tnad Minister Home Affair ka sorkar pdeng ban ia kren ban pynrung ia ka ktien Garo ha ka Eighth Schedule.
U Lamphang ka iing dobar thawain ka jylla u Thomas A Sangma u la ong ba ha ka jingiakren bad ki heh jong ka MHA ka long ba la don kam ban pynrung noh ia ka ktien Garo ha ka Eighth Schedule ban ithuh da ka riti synshar ia ka ktien Garo bad ha kane ka jingiakren ki ophisar ka MHA ba kin kynthup noh ia ka ktien garo ha thup.
Ka Agatha kala ong ba ka dei ka jingdawa jong ki paidbah na garo Hills ba ia ka ktien Garo dei ban pynrung ha ka Eighth Schedule jong ka riti synshar ka ri India, la ong ba ha ka jingiakren ki ophisar ka tnad poh iing kila ong ba kin sa kyntup noh ia ka ktien Garo ha ka thup ba kan sdang ban ioh ban pynrung ha ka Eight Schedule.
Ka iing dorbar thawain ka jylla kala shim ia ka raim ha 27th Nailur 2018 ban pynrung ia ka ktien Khasi bad Garo ha ka khyrngit kaba phra jong ka Riti synshar ka ri India, kane ka long ka jingsdang ban ioh ia ka jingthuh hapoh ka riti synshar ka Ri India.
Ia ka ktien Garo la kren ha ki san tylli ki District ha ka jylla Meghalaya bad katto katne ki bynta ki lum khasi , kumba ka long mynta ki don 22 tylli ki ktien kiba la ioh rung ha ka khyrngit kaba phra jong ka Riti Synshar ka Ri India.
