Shillong, Naiwieng 07: U myntri rangbah ka jylla u Conrad K Sangma ha ka sngi Thohdieng ka 06/Naiwieng/2026 u la leit sha Mawhati Konstitwensi kaba hap ha Ri Bhoi District ha kaba u la plie badbuh mawnongrim ia kiba bun ki skhim ha katei ka thain bad u la ia kynduh ruh ia ki paidbah lyngba ka CM Connect, ha kane ka jingleit la donlang u bah Charles Marngar MLA kane ka jaka.
U myntri rangbah ka jylla u la plie paidbah lai tylli ki surok PMGSY bad ka jing plie paidbah ia ka u maw bynna bala buh ka dur jong u Jisu Khrist ha jan ka Mawlasnai Parish bad shibun ki kam pynroi haka thain khappud jong kq jylla Meghalaya kaba don hapoh ka Mawhati konstitwensi ha Ri Bhoi District.
Ha katei ka sngi la iadonlang ruh u Deputy Commissioner ka District u Dr Abhishek Saini u Superintendent ki pulit ka Ri Bhoi u Giri Prasad ki heh sorkar naki tnat bapher bapher lem ki paidbah ka Mawhati Constituency.
Ha katei ka juh ka sngi la pynlong iaka jingialang paidbah haka shnong Umjong kaba don ha syndah bad ka jylla Assam.hakaba kala don ka CM Connect ha kaba ki paidbah kila ioh ia ka lad ban ia kren markhmat bad u myntri rangbah kajylla ban pynsngew ia ki jingdon kam ka jong ki.
Haka CM Connect naka liang u Albert Diller u ba dei ruh u General Secretary ka All Tiwa Student Union lane ka ATSU u la buh iaka jing kylli ia u Chief Minister ka Sorkar Jylla u Conrad Sangma halor ka jingbym ioh Shedule Tribe mynta la kynjoh sha ka 26 snem nakaei ka daw kim ioh iaka Shedule Tribe.
U Conrad Sangma u la jubab ba ia kane ka bynta hap rai daka Parliament bad u la ong ruh ba dang ha kine ki hynriew bnai naka liang ka jong u bad u symbut myntri rangbah ba dei u shongknor kila thaw ia ka kommittee bad u la ong ruh ba shen un sah khot iaka kynhun jong ka Tiwa ban wan iakren halor kane ka mat ban ioh ST bad naka liang ka jong u ruh un ialam iaki nongialam jong kane ka kynhun sha ka Nongbah Delhi ban iakren sani bha iakane ka mat ST bad u kyrmen ruh ba kan urlong iakane ka mat ST.
Bad naka liang ki paidbah kila pynsngew ruh sha u Conrad Sangma halor ka jingduna ki skul bad ka jingbym don ki bank ha kane ka shnong bad kiwei kiwei ki mat kam pynroi hakane ka thain.
