Shillong, Naiwieng 07: U nongrwai ba pawnam u Martin Garrix un wanbiang sha Ri India ban wan rwai ha ki 10 tylli ki nongbah ban pynbyrngia padbah. Uwei u khlur ka Electronic Dance Music (EDM). Ha ka jingrakhe Holi mynta u snem, ka Sunburn Arena kan wan ïalam biang sa shisien ïa u Martin Garrix sha India na ka bynta ka jingïaid lynti kaba 10 sngi ha u bnai Lber 2027, ka ban pynkylla ruh ïa kane ka tamasa jong ki rong ki rup sha ka jingrakhe kyrpang ïa ka put ka tem ha ka ri baroh kawei, ka jingpynshongshit kaba palat liam bad da ka bor kaba nylla.
Ka jingïatreilang hapdeng ka Sunburn Arena bad u Garrix kaba la wanrah bunsien ïa ka tem ka put bad ka shad ka kmen kaba sah kynmaw tam hapoh ri India, sa shisien pat kin pynkiew arshah ïa kane, da kaba rah ïa ki jingtem jingput kiba pawnam tam jong u, ki jingpynkhreh kiba pynshongshit bad kiwei kiwei kiba phylla ha satlak ka ri. Ha kane ka kynti, ka madan shad ka don kylleng kylleng, bad ka tamasa Holi ka dei ka daw ban shad laitluid.
Da kaba sdang ha nongbah Ahmedabad ha ka 10 tarik u Lber, kane ka jingïaid lynti kan phai khmat sha Bhubaneswar ha ka 12 tarik u Lber, Chennai ha ka 13 tarik, Bengaluru 14 tarik, Shillong 16 tarik, Kolkata 17 tarik, Hyderabad 19 tarik, Delhi NCR 20 tarik, Mumbai 21 tarik, ha shuwa ban pynkut ha nongbah Pune ha ka 22 tarik u Lber 2027.
Ki nongkyrshan kiba thrang ban long shi bynta jong kane ka jingrakhe kyrpang, ki lah ban pynrung kyrteng kham kloi noh ïalade naduh ka 4 tarik u Naiwieng 2026, ha ka por 5 baje janmiet ha ka Martin Garrix page. Ka Registered User Pre-Sale kan sdang ha ka 16 tarik Naiwieng 2026 ha ka por 12 baje mynsngi, ka ban bud pat sa tang na ka bynta ki RuPay Cardholder Pre-Sale ha ka por 12 baje mynsngi ha ka 17 tarik Naiwieng 2026.
Ka General On-Sale na ka bynta kane ka jingïaid lynti kan plie ha ka por 12 baje mynsngi ha ka 18 tarik Naiwieng, 2026, tang ha ka rynsan BookMyShow, kaba dei ka rynsan pynbyrngia kaba pawam tam jong ka ri India.
Ki nongkyrshan EDM ka ri India ki la san stet bha bad ka kyrteng u Martin Garrix ka la paw na ka por sha ka por kaba la nang pynkiew arshah ïa u ryngkat bad ki rukom pynmih sur tem sur put jong u kiba ïai kylla barabor.
Na ka bynta ki nongkyrshan kiba la khie la san ryngkat ki sur ‘Animals’, ‘In the Name of Love’, ‘Scared to Be Lonely’ bad ‘High on Life’, kane ka dei ka lad ban lap ban shem markhmat ïa ki sur tem kiba la pynbiang sur ne pynshongshit ïa ki khawai dawai bym lah ñiew shuh, ki thup kyrteng jingrwai bad ki jingsah kynmaw ïa ki tamasa, ha ki rukom kiba kham sawa jam ban ïa kaba mynshuwa.
Naduh kaba pynthaba ïa ka miet ka ïong ha ki Klob ne ki jaka leh sngewbha bad ki tamasa EDM haduh ban da kylla long mynta kum shi bynta na ka jingrakhe ïa ka Tamasa Holi ha ri India, ka jingïaid lynti u Martin Garrix’s bad kane ka ri ka dang ïai bteng ban kylla.
Na ka daw ba ka Sunburn Arena ka la wan ïalam biang ïa u na ka bynta ka jingïaid lynti ha ki 10 tylli ki nongbah ha kane ka tamasa Holi mynta u snem, ki sur tem sur put jong u ki la jam na ka madan shad sha kawei na ki jinglehkmen riti dustur bad kordor tam jong ka ri India, da kaba pynïatylli lang ïa ki nongkyrshan lyngba ki rong ki rup ba phalang, ka put ka tem bad ka mynsiem kmen lang jong kane ka tamasa.
U Martin Garrix u la ong, “Ka ri India ka dei ka bynta kaba kongsan eh jong ka jingïaid lynti jong nga, bad ka jingieid bad jingkyrshan kaba nga la ïoh pdiang na katei ka ri ha kine ki snem kiba la dep ka long kaba khraw haduh katta katta. Nga la ju wan sha India la palat shiphew snem mynta bad nga la leh bun tylli ki shows ne ki prokram ki ba ngam lah shuh ban klet ha katei ka ri. Ban wanphai biang na ka bynta ka jingïaid lynti sha ki 10 tylli ki nongbah bad ban rakhe ïa ka tamasa Holi ryngkat bad kumba 2 lak ngut ki briew ka kyntiew ïa kane baroh sha kawei pat ka bynta kaba thymmai!! Nga la thrang dik dik ban ïohi ïa baroh bad ban ïa thaw lang ïa bun tylli ki kam sah kynmaw.”
U Karan Singh, uba dei u CEO ka Sunburn, u la ong, “U Martin Garrix bad ka rynsan EDM ha India ki don ïa ka jingïaid lynti kaba la nang khie nang san katba nang ïaid ka por, ha kaba ka nang kyntiew shuh shuh ïa ka kyrdan man ba u wan sha India.
Katto katne ki prokram kiba sah kynmaw tam jong ka Sunburn Arena ki dei bad u Garrix, bad kane ka jingïadei jong ki ka kham palat ban ïa ka put ka tem. Da kaba wan ïalam biang ïa u na ka bynta ka jingïaid lynti sha ki 10 tylli ki nongbah ha ka tamasa Holi, kaba dei ka jingrakhe riti dustur kaba phalang tam jong ka ri India, nga sngew ba ka dei ka lynti kaba biang tam ban pynïaid shakhmat ïa kane ka jingïaid lynti.
Ka Holi ka dei shaphang ka jingïalum lang bad jingrakhe khlem kino kino ki jingkhang ne jingshah bidong, bad kam don da kawei pat ka lynti kaba kham bha lait na ki sur tem sur put jong u Martin bad ka bor ka iktiar jong ka Sunburn Arena. Ngi long kiba la kloi ban pynshongshit arshah ha baroh 10 tylli ki nongbah.”
Ka Sunburn Arena ka la leh ïa ka kamram kaba kongsan eh ha ka ban wanrah ïa ki riewdonsap ka pyrthei ha ka liang ka electronic music sha ki paid nongsngap ka ri India lyngba ki rynsan tem rynsan put kiba heh ba la pynlong ha bun tylli ki nongbah kiba ngam jylliew shisha.
Ka jingïasnoh kti jong ka bad u Martin Garrix ka la palat shiphew snem, na ka ban pynkut ïa ka tamasa Sunburn Festival ha u snem 2017 bad ban wanphai biang na ka bynta 9 tylli ki shows sha ki phra tylli ki nongbah ha u snem 2023 sha ka ban sdang ïa ka jingrakhe Holi ha DY Patil Stadium bad ka tamasa Sunburn Festival kaba nyngkong eh ha Mumbai ha u Nohprah 2025.
Da kaba tei halor kane ka khana ba ïasam lang, U Garrix u wanphai biang sha India na ka bynta ka jingïaid lynti sahnam jong ka Sunburn Arena sha ki 10 tylli ki nongbah ha kane ka Holi, da kaba rah ïa ka jingïatreilang jong ki sha ki paid nongsngap ha baroh kawei ka ri ha ka por ba don ka jingrakhe riti dustur kaba shongshit tam hapoh ka ri.
Ka jingïaid lynti jong u Martin Garrix sha ki 10 tylli ki nongbah kum ka jingrakhe Holi kyrpang ka Sunburn Arena, ba la wanrah sha phi da ka RuPay bad la ñiah shakhmat da ka Hyundai ha u bnai Lber 2027 ka dei shisha kaba phim dei ban kiar! Thied noh ïa ki tiket jong phi mynta ka sngi, tang na ka rynsan BookMyShow.
