Shillong, Naiwieng 07: Mynta ka sngi ka seng Hynniewtrep Achik National Movement kala wah ia ki plakard ha kylleng kane ka nongbah Shillong, ha iing sah u myntri rangbah ka jylla ban pynsngew halor ki saw tylli ki mat jingdawa kiba kaba ka seng kala dawa.
Ki saw tylli ki mat jingdawa ki long ba ka sorkar jylla ka dei ban shimkhia ban pynioh ia ka Inner Line Permit, ban pynbeit ia u pud u sam bad jylla Assam ban pynrung ia ktien khasi ha ka khyrngit kaba phra bad ban weng ia ki briew kiba sah ha them Iew Mawlong.
Haba kren ha ki lat pathai khubor ha dien bala dep ban wah ia ki palakard ha kylleng ki jaka kane ka nongbah Shillong u bah Felso Jarian President ka seng ba dei ia ka East Khasi Hills District u la ong ba kane ka jingwah plakard ka long ban pynpaw ia ka jingpyrshah ia ka sorkar halor kitei ki mat jong dawa.
Haba phai sha ka ILP la ong ba ka iing dorkar ha u snem 2019 kala shim ia ka rai ban pyntrei kam ha kane ka jylla bad ki sngewthuh ba kane ka ain ka long ban iada ia ki rit ha kane ka Ri India, la ong lada ka jylla Arunachal Pradesh, ka Nagaland bad Mizoramki ioh balei pat ia ka jylla Meghalaya.
Haba ia dei bad kane ka seng kan nym shong kli kti kan dang iai bteng ia ka jingdawa bad kala wan ar sien ruh sha Delhi ban ia khih halor kane ka bynta ha ki plakard la thoh ba ka seng kampyrshah ia ki kam pynroi hynrei ai shuwa ia ka ILP sa shna ia ka lynti rel.
