Shillong, Naiweng 07: Mynta ka sngi 7/Naiwieng/2026 ka seng Hynniewtrep Achik National Movement kila leit sha East Jaintia Hills District ban pynpra ia u mawpud jong ka Nort East Frontier Railway bala thung ban buh dak ia ka jingiaid ka lynti rel ha East Jaintia Hills District.
U President ka seng u bah Lamphrang Kharbani haba kren ha ki lat pathai khubor ha dien bala dep ban pynpra ia u maw ha lad Sohkynphor kaba hap ha East Jaintia Hills District u la ong ba kane ka jingwan ka long tang kum ka jingsdang jong ka jingiakhih.
Ka jingleit jong ki ha katei ka jaka ka dei tang da ki tyrnem hynrei lada ki dang leh matlah ne leh mynthi ia ka ei kaba ka jiaidbynriew kwah kin leit biang sa shisien kin kham pynjur na ka bynta ban suk ki longdien mandien.
Ka seng kam kwah ban iohi ba kin sa shah tim ha ka jaidbynriew, ha ki khun ki kti ki don tang kane kawei ka rai hap ban sumar hok ia ka Ri Khasi Jaintia kaba u blei u la ai kyrpang ia ka jaidbynriew.
Ka jinghurip ban shna ia ka lynti rel la lah ban pyndep ha baroh ar tylli ki District ka East Jaintia Hills bad West Jaintia Hills ka jingpynpra ka HANM ka long ban dawa ba dei ban pyntrei kam shuwa ia ki ain iada ia ka jaidbynriew sa shna ia ka lynti rel.
