Shillong, Rymphang 13: Mynta ka sngi u Symbut Myntri Rangbah ka jylla u bah Prestone Tynsong ba dei peit ia ka tnad kam poh iing mynta ka sngi u la khot ia ka jingiakren ia ki shipai BSF ban ia kren halor ki jingiakajia ba man ka por ha khappud ha pdeng ki paidbah bad ki BSF.
Ha kane ka jingialang kaba la long ha pdeng ka tnad kam poh iing ka sorkar jylla ia kaba la don da u Director Genenral ki Pulit ka jylla, u symbit Chief Secretary u Dr. Shakil P. Ahammed ba dei peit ia ka tnad kam poh iing bad na ki BSF la wan mih khmat da u Inspector Genenral ki BSF u HS Dhillon.
Ha dien ka jingiakren kaba la ia mir jingmut ba baroh ar liang la shim ia ka rai ban thaw ia ka Standing Co-Ordination Committee (SCC) ha baroh ki jaka ba hap hapoh jong ki Civil Sub-Division bad u SDO un long u shongknor bad SDPO bad Company Commandant bad ki rangbah shnong kin long ki dkhot kane ka committee.
U bah Prestone la ong ba kum kine ki kommittee kin don la kumno kumno san ne hynriew tylli ha baroh shilynter ha kahppud bad ka Bangladesh bad kane ka kommittee kan shong ban ia kynduh na ka por sha ka por ban ia sngewthuh jingmut.
Kum kine ki jingia ha khappud ka jia na ka por sha por bad kin dang iai jia ruh bad ia kane ka kommittee kan peit haba don kano kano ka jingjia ha khappud ba kane ka jingjia ha khappud bad kane kan don ka jingsuk.
