Shillong, Risaw 17: Ki katto katne ngut ki riewrangbah ka thaiñ Laskein Block kiba don ka mynsiem ban kyntiew shaphrang iaka kam jngohkai pyrthei, da kawei ka jingmut ki la shim iaka rai ban thaw syndon daka Seng trei mon sngewbha ka ban peit thik naka bynta ban kyntiew shaphrang iaki kam jngohkai pyrtheì hapoh ka thaiñ.
Ia kane ka Seng trei mon sngewbha la tip kum ka Laskeiñ Block Tourism & Promotion Society (LBTPS) kaba don iaka ophis treikam ( Head Quater) ha shnong Iooksi, West Jaintia Hills.
Ki jingthmu bad ki jingangnud kane ka Seng ka long ban kyntiew iaki kam jngoh kai pyrthei , ban kyrshan iaki nongshongshnong daki jingai jinghikai bad ki jingpynsngewthuh paidbah naka bynta ban pynmih iaki lad iohkam ioh jam, ban pynneh pynsah iaka riti ka dustur jong ki paidbah.
Kane ka kynhun ka long ruh ban pynthikna iaka khuid ka suba bad ka koit ka khiah hapoh ka thaiñ, ban pynsngewthuh paidbah iaka jingdonkam ka jingpynneh pynsah iaka mei mariang bad iaki sawdong sawkun jong ka bad bun kiwy kiwei pat ki jingangnud kane ka Seng Trei mon sngewbha.
Ki Nongialam bad ki dkhot jong kane ka Seng ki long, President bah P Tangliang, Vice President bah Elisha Sayoo, Secretary bah GC Dkhar,ha kane ka kynhun la thung ia u bah Nujor Sungoh MLA ka thian kum u nongai buid, nalor kitei la jied ruh sa khyndai ngut kiwei ki nongkit kam ka kynhun.
