Shillong, Naiwieng 21: ka YES Bank bad ka NIMHAS kila mynjur ban ia treilang ryngkat bad ka Meghalaya State Olympic Association (MSOA) na kabynta ban kyntiew ia ka kam ialehkai hapoh ka jylla Meghalaya.
Ka jingialang kaba ar sngi ka “National games outreach summit 2019” ba la pynlong da ka Meghalaya State Olympic Association bad ka tnad ialehkai jong ka sorkar Meghalaya ha ka 19 bad 20 tarik ka long ban wanrah ia baroh ki nongiashim ki nongiadon bynta ha kawei ka rynsan ban ia ai jingmut bad ia ban ia syllok kumno ban kyntiew ia ka kam ia lehkai hapoh jylla Meghalaya.
Ia kane ka jingialang kaba ar sngi la plied a u myntri rangbah ka jylla u Conrad K Sangma, ha ka jingiadon lang u Bah Banteidor myntri kam ialehkai ka jylla ha ka jingiadon lang na ki kynhun ia lehkai bad na ki PSU, Govt. Agencies, Private Corporates, Foundations, athletes, coaches, schools, colleges, university, academies bad hapdeng ka jingiadonlang jong ki Olympian kiba pawnam.
U mytnri rangbah u la pynbna ba ka sorkar Meghalaya, ka la shim ki sien jam kiban pynkhih ia ka rukom treikam ha ka sports sports and youth development hapoh ka jylla da kaba mynjur bad pynbna ia ka Sport Policy kaba nyngkong hapoh ka Jylla. U la ong ba ka Sorkar ka la rai ban shim ia kiba bun ki lad ban kyntiew ia ka roi ka par khamtam ha ki kam jngoh Kai lyngba kane ka jingthmu ban pynlong ia ka National Games 2022.
Ha ka jingkren U myntri ba dei peit ia ka tnad ia lehkai u Bah Banteidor Lyngdoh, u la pynpaw ka jingiaroh ia ki nongialehkai bad khamtam kiba la jop khusnam dangshen ha ki National bad International Championships bad u la ong b aka National Games kan sa plie kiba bun ki lad ia ki samla ban kiew sha ki jingialeh jong ka pyrthei.
Ha kane ka Summit la ioh ia ka khubor na u Dr. Narendra Druv Batra, President, Indian Olympic Association, uba la kitbok bad iaroh ia ka MSOA bad ka Government of Meghalaya ia ka jingpynlong ia kumkane ka jingiakynduh bad u la kyntu ba la dei ban pynlong khambun kum kine ki jingiakynduh bad ki jingiakren kum shibyn ban nang pyniar ia ki jingpyrkhat kumno ban poi sha ka thong.
Ha kane ka jingiasyllok kaba ar sngi la don ki jingiamir jingmud , kiba kynthup ia ki phang kum ka “developing champions, equipping athletes, policies, collaboration, infrastructure, involvement of corporates involvements through CSR through sports, sustainable development of community bad school through sports program”, ka jingpyndonkam ia ki kor jingstad ha ka ha ki jingialehkai.
Ka MoU kaba nyngkong la soi hapdeng ka YES Bank bad ka Meghalaya State Olympic Association (MSOA) ba la mih khmat da u Nikhil Sahni, Group President – Government & MNC Corporate Banking and Knowledge Banking bad u Bah John F Kharshiing, Working, President, MSOA, U Sahni u la ong ba ka “Ka YES BANK ka sngew kmen ban ia teh lok ban ia trei lang ryngkat bad ka Meghalaya State Olympic Association.
Ka MoU kaba ar la soi hapdeng ka National Institute of Mountaineering bad Allied Sports ( NIMAS), kaba dei na ka tnad iada ri jong ka sorkar pdeng bad ki nongkitkam jong ka Meghalaya Sports Climbing and Mountaineering Association (MeSCMA) ha kaba la mynjur ba baroh ar kin ia kynduh kin ia treilang ban kyntiew mar kylliang ia ki kam adventure tourism & Sports avenue hapoh ka jylla Meghalaya hapoh ka jingiatreilang bad ka NIMAS.
Ka la don ruh ka jingiasoi MoU hapdeng ka Silver Lining Group bad ka Meghalaya Basketball Association na ka bynta ki jingiarap lyngba ka sponsorships bad ki kiwei ki jingdonkam.Baroh ki nongiashim bynta ki la myntoi shibun lyngba kine ki jingiakren lyngba ki jingiasyllok bad ki jingiakren ba la kren na ki nongkren kyrpang kiba la shah khot sngewbha.
Ha kane ka jingialang baa r sngi la pyniakynduh lang ia ki State Association bad ki kynhun PSU, ki Company ha kaba ki la batai bniah halor kumno ban ioh CSR, ha kaba ki la pynsngew ba ki don ki kyndon kiba ki nongpan CSR ki hap ban pyndep kum ki Aunnual Reports bad ki Audited Statements kiba lai snem, ki jingthoh kiba bniah halor ki rukom treikam jong ki State Association bad kiwei kiwei ha kaba ki la pynpaw ba ka MSOA ka donbok ban ioh ia ka jingiarap khlem jingsiew na ka YES Bank kaban iarap ban shna ia ki Project Report na ka bynta ki jing apply CSR.
Ha katei ka summit la ioh ban ia syllok halor ka jingdonkam ban pynbeit bad ban pynjanai ia ki policy ba bun kum ka jingdonkam ban don noh ia ka state school sports curriculum, green national games, compliance to the United Nations 17 Sustainable Development Goals, National Food and Nutritional Policy, Health & Fitness, private sports universities, monitoring talent ID search lyngba ki kor jingstad kumba la pyntreikam da ki ri kiba jop Medal bad kiwei kiwei etc..
