Shillong, Naitung 31: Ka jingkhap ngiah kali ha kine ki sngi ha kane ka nongbah Shillong ka long kaba palat bad na ka liang jong ki bor pulit ba dei peit ia ka jingpyniaid kali kila shim ia ka rai ba man ki sngi Saitjain yn nym sah ia ki trok ban rung hapoh sor Shillong naduh ka por 7 baje mynstep haduh ka por 10 baje mynniet.
Naka liang jong u Bah B J Laloo u heh pulit ba dei peit ia ki kam pyniaid kali hapoh kane ka nongbah Shillong u la pyntip ia kane ka rai mynta ka sngi. Kane ka jingpynbna kan neh haduh ban da pyntip da kumwei pat la ong u Superintendent ki pulit ba pyniaid kali.
